Foto: Mýhtar Holdorbekov/Kazinform
Ónerkásip jáne qurylys ministri Qanat Sharlapaev elimizde ýtilalymǵa qatysty eshqandai ózgeris bolmaitynyn málim etti, – dep habarlaidy «Ult aqparat» Kazinform-ǵa silteme jasap.
Búgin Parlament Májilisindegi baspasóz máslihatynda tilshiler ministrden «ýtilalymdy tómendetýge vedomstvo nege qarsy?» ekenin surady.
«Qazirgi kezde ýtilizatsiia alymyna qatysty eshqandai ózgeris jasamaimyz. Ónerkásip jáne qurylys ministri qyzmetin atqaryp jatyrmyn. Bul rette, meniń jumysym kásiporyndardy damytý jáne olardyń qýatyn arttyrýǵa qatysty. Qazir Qazaqstanda 2 avtokólik zaýytyn salyp jatyrmyz, sondai-aq osy salaǵa kóptegen jumys orny ashylady. Iaǵni osyny eshkim eskerip jatqan joq. Qazirgi teketires nege bailanysty? Eki zaýytty salyp jatyrmyz. KIA kóligin shyǵaratyn zaýyttyń qurylysy 2025 jyldyń ortasynda aiaqtalady. Almaty qalasynyń mańynda qýaty 90 myń kólik óndiretin salyp jatyrmyz. Ondaǵy jumys oryndaryn kim saqtaidy? Men depýtattarǵa osyndai suraq qoidym jáne taǵy da qoiamyn», - dedi Qanat Sharlapaev.
Bul turǵyda elimizdegi avtokóliktiń baǵasyn basqa eldermen salystyrdy.
«Túrkiiada jáne taǵy basqa elderde kóliktiń baǵasy bizdegi kórsetkishten sál joǵary nemese teń. Sondyqtan Qazaqstandaǵy kásiporyndardy jáne jumys oryndaryn saqtaý úshin bizge protektsionizm jasaýymyz kerek dep oilaimyn», - dedi ministr.
Osyǵan deiin Májilis depýtaty Nartai Sársenǵaliev ýtilalym baǵasyn tómendetýdi usynǵan edi.
