فوتو: مۋحتار حولدوربەكوۆ/Kazinform
ٶنەركەسٸپ جەنە قۇرىلىس مينيسترٸ قانات شارلاپاەۆ ەلٸمٸزدە ۋتيلالىمعا قاتىستى ەشقانداي ٶزگەرٸس بولمايتىنىن مەلٸم ەتتٸ, – دەپ حابارلايدى «ۇلت اقپارات» Kazinform-عا سٸلتەمە جاساپ.
بٷگٸن پارلامەنت مەجٸلٸسٸندەگٸ باسپاسٶز مەسليحاتىندا تٸلشٸلەر مينيستردەن «ۋتيلالىمدى تٶمەندەتۋگە ۆەدومستۆو نەگە قارسى?» ەكەنٸن سۇرادى.
«قازٸرگٸ كەزدە ۋتيليزاتسييا الىمىنا قاتىستى ەشقانداي ٶزگەرٸس جاسامايمىز. ٶنەركەسٸپ جەنە قۇرىلىس مينيسترٸ قىزمەتٸن اتقارىپ جاتىرمىن. بۇل رەتتە, مەنٸڭ جۇمىسىم كەسٸپورىنداردى دامىتۋ جەنە ولاردىڭ قۋاتىن ارتتىرۋعا قاتىستى. قازٸر قازاقستاندا 2 اۆتوكٶلٸك زاۋىتىن سالىپ جاتىرمىز, سونداي-اق وسى سالاعا كٶپتەگەن جۇمىس ورنى اشىلادى. ياعني وسىنى ەشكٸم ەسكەرٸپ جاتقان جوق. قازٸرگٸ تەكەتٸرەس نەگە بايلانىستى? ەكٸ زاۋىتتى سالىپ جاتىرمىز. KIA كٶلٸگٸن شىعاراتىن زاۋىتتىڭ قۇرىلىسى 2025 جىلدىڭ ورتاسىندا اياقتالادى. الماتى قالاسىنىڭ ماڭىندا قۋاتى 90 مىڭ كٶلٸك ٶندٸرەتٸن سالىپ جاتىرمىز. ونداعى جۇمىس ورىندارىن كٸم ساقتايدى? مەن دەپۋتاتتارعا وسىنداي سۇراق قويدىم جەنە تاعى دا قويامىن», - دەدٸ قانات شارلاپاەۆ.
بۇل تۇرعىدا ەلٸمٸزدەگٸ اۆتوكٶلٸكتٸڭ باعاسىن باسقا ەلدەرمەن سالىستىردى.
«تٷركييادا جەنە تاعى باسقا ەلدەردە كٶلٸكتٸڭ باعاسى بٸزدەگٸ كٶرسەتكٸشتەن سەل جوعارى نەمەسە تەڭ. سوندىقتان قازاقستانداعى كەسٸپورىنداردى جەنە جۇمىس ورىندارىن ساقتاۋ ٷشٸن بٸزگە پروتەكتسيونيزم جاساۋىمىز كەرەك دەپ ويلايمىن», - دەدٸ مينيستر.
وسىعان دەيٸن مەجٸلٸس دەپۋتاتى نارتاي سەرسەنعاليەۆ ۋتيلالىم باعاسىن تٶمەندەتۋدٸ ۇسىنعان ەدٸ.
