Foto: gov.kz
Qazaqstanda 2026 jyly aeromobildi taksi qyzmeti paida bolýy múmkin. Bul týraly Kólik ministri Marat Qarabaev aitty, dep habarlaidy Ult.kz inbusiness.kz-ke silteme jasap.
Ministr jolaýshylardy Almaty áýejaiynan Alataý qalasyna deiin aeromobil arqyly tasymaldaý máselesi qarastyrylyp jatqanyn aitty. Sózinshe, aeromobil – sýtegimen jumys isteitin shaǵyn tikushaq. Oǵan 5 adamǵa deiin syiady.
"Qazir bul tehnologiiany Ońtústik Koreia men AQSh-tyń kompaniialary jaqsy damytyp jatyr. Qazaqstandaǵy kompaniia osy salany damytýǵa qyzyǵýshylyq tanytty. Osy salany jiti zerttep jatyrmyz, ony pilottyq joba retinde qoldaný máselesin pysyqtaýdamyz", - dedi Marat Qarabaev Úkimet otyrysynan keiingi brifingte.
Vedomstvo basshysy 2026 jyldyń birinshi jartyjyldyǵynda pilottyq jobany iske qosý josparlanyp otyrǵanyn aitty. Birinshi kezeńde aeromobil Almaty áýejaiynan Alataý qalasyna deiin qatynaýy múmkin.
