فوتو: gov.kz
قازاقستاندا 2026 جىلى اەروموبيلدٸ تاكسي قىزمەتٸ پايدا بولۋى مٷمكٸن. بۇل تۋرالى كٶلٸك مينيسترٸ مارات قاراباەۆ ايتتى, دەپ حابارلايدى Ult.kz inbusiness.kz-كە سٸلتەمە جاساپ.
مينيستر جولاۋشىلاردى الماتى ەۋەجايىنان الاتاۋ قالاسىنا دەيٸن اەروموبيل ارقىلى تاسىمالداۋ مەسەلەسٸ قاراستىرىلىپ جاتقانىن ايتتى. سٶزٸنشە, اەروموبيل – سۋتەگٸمەن جۇمىس ٸستەيتٸن شاعىن تٸكۇشاق. وعان 5 ادامعا دەيٸن سىيادى.
"قازٸر بۇل تەحنولوگييانى وڭتٷستٸك كورەيا مەن اقش-تىڭ كومپانييالارى جاقسى دامىتىپ جاتىر. قازاقستانداعى كومپانييا وسى سالانى دامىتۋعا قىزىعۋشىلىق تانىتتى. وسى سالانى جٸتٸ زەرتتەپ جاتىرمىز, ونى پيلوتتىق جوبا رەتٸندە قولدانۋ مەسەلەسٸن پىسىقتاۋدامىز", - دەدٸ مارات قاراباەۆ ٷكٸمەت وتىرىسىنان كەيٸنگٸ بريفينگتە.
ۆەدومستۆو باسشىسى 2026 جىلدىڭ بٸرٸنشٸ جارتىجىلدىعىندا پيلوتتىق جوبانى ٸسكە قوسۋ جوسپارلانىپ وتىرعانىن ايتتى. بٸرٸنشٸ كەزەڭدە اەروموبيل الماتى ەۋەجايىنان الاتاۋ قالاسىنا دەيٸن قاتىناۋى مٷمكٸن.
