Elimizde «Ulttyq taýar jetkizýshi júiesi» qurylady. Bul týraly Májilistegi «Nur Otan» partiiasy parlamenttik fraktsiiasynyń keńeitilgen otyrysynda Úkimet basshysy Asqar Mamin aitty, dep habarlaidy QazAqparat.
«Aýyldardyń áleýetin barynsha júzege asyrý, aýyl turǵyndarynyń ómir jaǵdaiyn jaqsartý maqsatynda aýyl sharýashylyǵyn jáne aýyl infraqurylymyn damytýǵa baǵyttalǵan is júzindegi sharalar kesheni júzege asyrylatyn bolady. Strategiialyq investorlardyń qatysýymen 350 myń fermelerlik jáne úi sharýashylyǵyn jumyldyrý arqyly aýyl sharýashylyǵy ónimderin óndirý jáne óńdeý boiynsha 7 iri ekojúie qurylady», - dedi Úkimet basshysy «Nur Otan» partiiasynyń «Ózgerister joly: ár azamatqa laiyqty ómir!» Sailaý baǵdarlamasyn oryndaýdyń Jol kartasyn talqylaý barysynda.
Onyń atap ótýinshe, 2021-2025 jyldary kezeńinde «Ulttyq taýar jetkizýshi júiesin» qurý maqsatynda aýyl sharýashylyǵy ónimderin saqtaý jáne satý boiynsha 24 kóterme taratý ortalyǵy salynady. Agroónerkásipkesheni ónimderiniń eksport kólemi 2 esege artady.
«Árbir tirek aýyldyń jergilikti joldarynyń 95 paiyzy jóndeledi. 2025 jylǵa qarai barlyq qala men aýyl sýmen jabdyqtaý qyzmetimen qamtamasyz etiledi», - dedi Asqar Mamin.
