Elimizde ulttyq qundylyqtardy damytý jónindegi tujyrymdamanyń jobasy ázirlendi. Bul týraly «Aýyl» halyqtyq-demokratiialyq patriottyq partiiasynyń tóraǵasy Áli Bektaev aitty, dep habarlaidy QazAqparat.
«Qazirgi qoǵam qazaqy tárbieni esten shyǵaryp, batys tálimin tý etip, otan súiý sóziniń mán-maǵynasynan alshaqtap ketken siiaqty. Adam arasynan ádildik pen adaldyq, ar men uiatty ómirdiń basty qaǵidasy dep tanityndardy tabý qiyn.
Osynyń barlyǵy qazaq halqy úshin erekshe - ózindik ulttyq ideologiianyń quldyraýynan dep bilemin. Problemalar dińgegi bolyp sanalatyn jemqorlyqty túp-tamyrymen joiý úshin sanany jańartý kerek. Ol tek ósip kele jatqan urpaqtyń boiyna eńbeksúigishtik pen patriottyq sezimdi qalyptastyrý arqyly júzege aspaq. Al sol jastardyń boiynda ulttyq qundylyqtardy qalai qalyptastyrýǵa bolady? Jaýap bireý – ol talbesikten beriletin tálim-tárbie», - dedi ol partiianyń kezekten tys XVIII sezinde.
Onyń aitýynsha, statistikalyq kórsetkish boiynsha Qazaqstanda neke qurǵan ár úsh otbasynyń bireýi ajyrasady eken. Cońǵy jyldardaǵy kórsetkishter boiynsha qalalyq jerlerdegi ajyrasý deńgeii 40 paiyzdan assa, aýyldyq jerlerdegi ajyrasý deńgeii 27 paiyzǵa jetken. Bul - el bolashaǵy úshin óte qaýipti kórsetkish.
«Nekesiz dúniege kelgen, tastandy balalardyń sany da ósken. Búgin sábiler úiinde qanshama tastandy bala tárbie alýda. Bul - adam taýqymeti ǵana emes, qoǵamnyń taýqymeti, jetimi men jesirin dalada qaldyrmaǵan halqymyz úshin úlken tragediia. «Aýyl» halyqtyq-demokratiialyq patriottyq partiiasy elimizdegi ulttyq qundylyqtardyń qazirgi kúiine alańdaýly. Ulttyq bolmysymyzdy saqtaý, otbasylyq qundylyqtardy qorǵaý, memlekettik til jáne rýhani máseleler partiianyń nazarynan eshqashanda tys qalǵan emes», - dedi partiia basshysy.
Áli Bektaev búginge deiin elimizdiń aimaqtarynda osy máselelerge qatysty ziialy qaýym ókilderimen keleli kezdesýler men ár túrli seminar-keńester ótkizilgenin aitty.
«Úkimet basshysynyń atyna elimizdegi otbasy institýtyna bailanysty depýtattyq saýaldar joldandy. Partiianyń atalǵan baǵytta atqarǵan is-sharalarynyń nátijesinde ulttyq qundylyqtardy damytý jónindegi tujyrymdamanyń jobasy jasaldy. Ol QR Úkimetine usnynylatyn bolady», - dedi ol.
