Foto: QR TSM
Erbol Myrzabosynov Qyzylorda qalasynda 11 myń oryndyq kópsalaly stadionnyń saltanatty ashylýyna qatysty. Is-sharaǵa sondai-aq Qazaqstan fýtbol federatsiiasynyń prezidenti Marat Omarov pen Qyzylorda oblysynyń ákimi Nurlybek Nálibaev qatysty, dep habarlaidy Ult.kz.
Sport nysanynyń jalpy aýmaǵy 20 myń sharshy metrden asady. Keshende boks, kúres, sporttyq gimnastika, taekvondo, aýyr atletikaǵa arnalǵan zaldar bar. Sonymen qatar ortalyqta erekshe qajettiligi bar jandar úshin de qolaily jaǵdai qarastyrylǵan.
«Memleket basshysynyń tapsyrmasyna sáikes elimizde sport infraqurylymyn damytý baǵytynda aýqymdy jumystar atqarylyp jatyr. Biyl jyl basynan beri elimizdiń 14 óńirinde 32 sport nysany paidalanýǵa berildi. Jyl sońyna deiin taǵy 70 nysannyń qurylysy aiaqtalady dep josparlanýda. «Qaisar Arena» stadiony – Qasym-Jomart Toqaevtyń tapsyrmasymen júzege asqan eń iri infraqurylymdyq jobalardyń biri. Bul keshen iri halyqaralyq jarystar men mádeni-sporttyq is-sharalardy ótkizýge múmkindik beredi», – dedi Erbol Myrzabosynov.
Stadion ÝEFA-nyń 4-sanatyna tolyq sáikes keledi. Fýtbol alańy zamanaýi jasandy kógalmen jabdyqtalyp, jaryqtandyrý júiesi de ÝEFA talaptaryna sai jasalǵan.
Aita keteiik, biyl qyrkúiekte Túrkistan qalasynda Ortalyq Aziiada teńdesi joq eskek esý arnasynyń qurylysy aiaqtaldy. Munda halyqaralyq deńgeidegi jarystardy qabyldaýǵa tolyq múmkindik bar. Sondai-aq jyl sońyna deiin sport kolledjinen bastap doktorantýraǵa deiin úzdiksiz bilim berý júiesin qamtamasyz etetin Ulttyq sport ýniversiteti iske qosylady. Ýniversitet infraqurylymyna stadion, jabyq jeńil atletika maneji, olimpiadalyq bassein, sport kesheni, ǵylymi-zertteý jáne meditsinalyq-ońaltý ortalyqtary kiredi. El astanasynda Q. Muńaitpasov atyndaǵy jańa stadion salynyp jatyr. Sport nysany 2026 jyly paidalanýǵa beriledi. Keshen jyl boiy oqý-jattyǵý jumystaryna arnalǵan.
2024 jylǵy derekterge sáikes, elimizde halyqtyń 40%-dan astamy turaqty túrde sportpen shuǵyldanady. Halyqtyń sport infraqurylymymen qamtylý deńgeii (ár 1000 adamǵa shaqqanda) 55%-dan asqan. Aldaǵy jyldary otandastarymyzdyń salamatty ómir saltyna qyzyǵýshylyǵyn jáne zamanaýi sport nysandaryna suranysyn eskere otyryp, bul kórsetkishti 2029 jylǵa qarai 65%-ǵa jetkizý josparlanyp otyr.
