فوتو: قر تسم
ەربول مىرزابوسىنوۆ قىزىلوردا قالاسىندا 11 مىڭ ورىندىق كٶپسالالى ستاديوننىڭ سالتاناتتى اشىلۋىنا قاتىستى. ٸس-شاراعا سونداي-اق قازاقستان فۋتبول فەدەراتسيياسىنىڭ پرەزيدەنتٸ مارات وماروۆ پەن قىزىلوردا وبلىسىنىڭ ەكٸمٸ نۇرلىبەك نەلٸباەۆ قاتىستى, دەپ حابارلايدى Ult.kz.
سپورت نىسانىنىڭ جالپى اۋماعى 20 مىڭ شارشى مەتردەن اسادى. كەشەندە بوكس, كٷرەس, سپورتتىق گيمناستيكا, تاەكۆوندو, اۋىر اتلەتيكاعا ارنالعان زالدار بار. سونىمەن قاتار ورتالىقتا ەرەكشە قاجەتتٸلٸگٸ بار جاندار ٷشٸن دە قولايلى جاعداي قاراستىرىلعان.
«مەملەكەت باسشىسىنىڭ تاپسىرماسىنا سەيكەس ەلٸمٸزدە سپورت ينفراقۇرىلىمىن دامىتۋ باعىتىندا اۋقىمدى جۇمىستار اتقارىلىپ جاتىر. بيىل جىل باسىنان بەرٸ ەلٸمٸزدٸڭ 14 ٶڭٸرٸندە 32 سپورت نىسانى پايدالانۋعا بەرٸلدٸ. جىل سوڭىنا دەيٸن تاعى 70 نىساننىڭ قۇرىلىسى اياقتالادى دەپ جوسپارلانۋدا. «قايسار ارەنا» ستاديونى – قاسىم-جومارت توقاەۆتىڭ تاپسىرماسىمەن جٷزەگە اسقان ەڭ ٸرٸ ينفراقۇرىلىمدىق جوبالاردىڭ بٸرٸ. بۇل كەشەن ٸرٸ حالىقارالىق جارىستار مەن مەدەني-سپورتتىق ٸس-شارالاردى ٶتكٸزۋگە مٷمكٸندٸك بەرەدٸ», – دەدٸ ەربول مىرزابوسىنوۆ.
ستاديون ۋەفا-نىڭ 4-ساناتىنا تولىق سەيكەس كەلەدٸ. فۋتبول الاڭى زاماناۋي جاساندى كٶگالمەن جابدىقتالىپ, جارىقتاندىرۋ جٷيەسٸ دە ۋەفا تالاپتارىنا ساي جاسالعان.
ايتا كەتەيٸك, بيىل قىركٷيەكتە تٷركٸستان قالاسىندا ورتالىق ازييادا تەڭدەسٸ جوق ەسكەك ەسۋ ارناسىنىڭ قۇرىلىسى اياقتالدى. مۇندا حالىقارالىق دەڭگەيدەگٸ جارىستاردى قابىلداۋعا تولىق مٷمكٸندٸك بار. سونداي-اق جىل سوڭىنا دەيٸن سپورت كوللەدجٸنەن باستاپ دوكتورانتۋراعا دەيٸن ٷزدٸكسٸز بٸلٸم بەرۋ جٷيەسٸن قامتاماسىز ەتەتٸن ۇلتتىق سپورت ۋنيۆەرسيتەتٸ ٸسكە قوسىلادى. ۋنيۆەرسيتەت ينفراقۇرىلىمىنا ستاديون, جابىق جەڭٸل اتلەتيكا مانەجٸ, وليمپيادالىق باسسەين, سپورت كەشەنٸ, عىلىمي-زەرتتەۋ جەنە مەديتسينالىق-وڭالتۋ ورتالىقتارى كٸرەدٸ. ەل استاناسىندا ق. مۇڭايتپاسوۆ اتىنداعى جاڭا ستاديون سالىنىپ جاتىر. سپورت نىسانى 2026 جىلى پايدالانۋعا بەرٸلەدٸ. كەشەن جىل بويى وقۋ-جاتتىعۋ جۇمىستارىنا ارنالعان.
2024 جىلعى دەرەكتەرگە سەيكەس, ەلٸمٸزدە حالىقتىڭ 40%-دان استامى تۇراقتى تٷردە سپورتپەن شۇعىلدانادى. حالىقتىڭ سپورت ينفراقۇرىلىمىمەن قامتىلۋ دەڭگەيٸ (ەر 1000 ادامعا شاققاندا) 55%-دان اسقان. الداعى جىلدارى وتانداستارىمىزدىڭ سالاماتتى ٶمٸر سالتىنا قىزىعۋشىلىعىن جەنە زاماناۋي سپورت نىساندارىنا سۇرانىسىن ەسكەرە وتىرىپ, بۇل كٶرسەتكٸشتٸ 2029 جىلعا قاراي 65%-عا جەتكٸزۋ جوسپارلانىپ وتىر.
