Qazaqstandaǵy 80 qylmystyq atqarý mekemesinde 33 myń sottalýshy qamaýda otyr. Bul týraly Ishki ister ministrligi qylmystyq atqarý júiesi komitetiniń basqarma bastyǵy Bibigúl Muńaitpasova aitty, dep habarlaidy QazAqparat.
«Elimizdiń qylmystyq atqarý júiesinde 80 mekeme bar. Onyń 64-i bas bostandyǵynan aiyrý túrindegi qylmystyq jazasyn atqarýshylarǵa arnalsa, 16-sy – tergeý izoliatory», - deidi komitet ókili ministrliktiń aqparat alańynda.
Qylmystyq atqarý júiesi komitetiniń basqarma bastyǵy qamaýda otyrǵandardyń sanaty men quramyna da toqtaldy.
«Bul memekelerde 33 myń adam qamaýda otyr. Bulardyń 4700-i – tergeýge alynǵandar. Sottalǵandardyń negizgi bóligi, iaǵni, 94 paiyzy aýyr jáne asa aýyr qylmys jasaǵany úshin jazasyn ótep jatyr. Sanat boiynsha aitsaq, 47 paiyzdaiy buryn da sottalǵan. 20 paiyzǵa jýyǵy kisi óltirgeni úshin, 12,5 paiyzy tonaýmen ainalysqany úshin, 11,5 paiyzy esirtki satqany úshin sottalǵan. Qylmystardyń 13,8 paiyzy jynystyq qol suqpaýshylyqqa qarsy tirkelgen. Onyń ishinde 7 paiyzy kámáletke tolmaǵandar jáne ózgelerge qatysty jasalǵan», - dedi Bibigúl Muńaitpasova.
