قازاقستانداعى 80 قىلمىستىق اتقارۋ مەكەمەسٸندە 33 مىڭ سوتتالۋشى قاماۋدا وتىر. بۇل تۋرالى ٸشكٸ ٸستەر مينيسترلٸگٸ قىلمىستىق اتقارۋ جٷيەسٸ كوميتەتٸنٸڭ باسقارما باستىعى بيبٸگٷل مۇڭايتپاسوۆا ايتتى, دەپ حابارلايدى قازاقپارات.
«ەلٸمٸزدٸڭ قىلمىستىق اتقارۋ جٷيەسٸندە 80 مەكەمە بار. ونىڭ 64-ٸ باس بوستاندىعىنان ايىرۋ تٷرٸندەگٸ قىلمىستىق جازاسىن اتقارۋشىلارعا ارنالسا, 16-سى – تەرگەۋ يزولياتورى», - دەيدٸ كوميتەت ٶكٸلٸ مينيسترلٸكتٸڭ اقپارات الاڭىندا.
قىلمىستىق اتقارۋ جٷيەسٸ كوميتەتٸنٸڭ باسقارما باستىعى قاماۋدا وتىرعانداردىڭ ساناتى مەن قۇرامىنا دا توقتالدى.
«بۇل مەمەكەلەردە 33 مىڭ ادام قاماۋدا وتىر. بۇلاردىڭ 4700-ٸ – تەرگەۋگە الىنعاندار. سوتتالعانداردىڭ نەگٸزگٸ بٶلٸگٸ, ياعني, 94 پايىزى اۋىر جەنە اسا اۋىر قىلمىس جاساعانى ٷشٸن جازاسىن ٶتەپ جاتىر. سانات بويىنشا ايتساق, 47 پايىزدايى بۇرىن دا سوتتالعان. 20 پايىزعا جۋىعى كٸسٸ ٶلتٸرگەنٸ ٷشٸن, 12,5 پايىزى توناۋمەن اينالىسقانى ٷشٸن, 11,5 پايىزى ەسٸرتكٸ ساتقانى ٷشٸن سوتتالعان. قىلمىستاردىڭ 13,8 پايىزى جىنىستىق قول سۇقپاۋشىلىققا قارسى تٸركەلگەن. ونىڭ ٸشٸندە 7 پايىزى كەمەلەتكە تولماعاندار جەنە ٶزگەلەرگە قاتىستى جاسالعان», - دەدٸ بيبٸگٷل مۇڭايتپاسوۆا.
