2020 jyldyń naýryzynda jańa turǵyn úilerdi satý baǵasy 0,1 paiyzǵa ósti. Bul týraly QR UEM Statistika komitetinen málim etti, dep habarlaidy "Ult aqparat".
«2020 jylǵy naýryzda ótken aimen salystyrǵanda abattandyrylǵan jáne abattandyrylmaǵan turǵyn úilerdi qaita satý baǵasy 0,3, jańa turǵyn úilerdi satý 0,1 paiyzǵa ósti. Abattandyrylǵan turǵyn úidi jalǵa alý tólemi 1,6 paiyz joǵary boldy», - delingen komitet aqparatynda.
Vedomstvo málimetinshe, naýryzda jańa turǵyn úilerdiń bir sharshy metri 297 170 teńgeni qurasa, abattandyrylǵan turǵyn úilerdi alyp satý sharshy metri 206 072 teńge bolǵan. Al abattandyrylmaǵan turǵyn úilerdiń bir sharshy metriniń satylym baǵasy 128 097 teńgeni qurady.
