Qazaqstanda 1 aidyń ishinde turǵyn úi baǵasy 1,2 paiyzǵa qymbattady. Bul týraly Strategiialyq josparlaý jáne reformalar agenttiginiń ulttyq statistika biýrosynan málim etti, dep habarlaidy "Ult aqparat".
«Bir aida ( maýsymnan mamyrǵa qaraǵanda) abattandyrylǵan turǵyn úidi alyp satý baǵasy – 1,2, jańa turǵyn úidi satý 0,9 paiyzǵa ósti. Abattandyrylǵan turǵyn úidi jalǵa alý tólemi 0,3 paiyz joǵary boldy», - delingen biýro tartqan aqparatta.
Al vedomstvonyń málimetinshe, 2020 jyldyń jeltoqsanymen salystyrǵanda maýsymda jańa turǵyn úidi satý – 9,2, abattandyrylǵan turǵyn úidi alyp satý – 14,7, abattandyrylǵan turǵyn úidi jalǵa alý tólemi 7,4 paiyzǵa kóterilgen.
Sonymen qatar 2020 jyldyń qańtar-maýsymyna qaraǵanda osy jyldyń birinshi jartyjyldyǵynda jańa turǵyn úiler 9,6 paiyzǵa qymbattap, sharshy metri 338 450 teńgege jetti.
Al abattandyrylǵan turǵyn úidi alyp satý quny 22,3 paiyzǵa kóterilip, sharshy metri 267 364 teńgeni, abattandyrylǵan turǵyn úidi jalǵa alý tólemi 10,9 paiyza artyp, sharshy metri úshin 1 764 teńgeni qurady.
