Elimizde turaqtylyq pen sabaqtastyqty ustap tura alatyn Parlament qajet. Mundai pikirdi tanymal saiasattanýshy Qazbek Maigeldinov bildirdi, dep habarlaidy QazAqparat.
«Búgin sailaý naýqany bastalǵany jariialandy. Aita keterligi, Májilis sailaýy zańnamamen bekitilgen konstitýtsiialyq merzimde ótedi. Buǵan qosa, 6-shy shaqyrylǵan Májilistiń ortasha jasy aitarlyqtai jasarýy tiis. Aitalyq, 5-shi shaqyrylǵan Májilistiń depýtattyq korpýsynyń ortasha jasy 56 jasty quraidy. Degenmen, jańa ózgertýlerge sáikes, alǵash ret parlamenttik tájiribede áielder men jastar úshin partiialyq tizim boiynsha 30 paiyzdyq kvota engiziletin bolady. Bul olardyń eldiń qoǵamdyq-saiasi protsesterine barynsha belsendi qatysýyna septigin tigizedi. Taǵy bir jańashyldyq - parlamenttik oppozitsiia institýtynyń engizilýi. Bul qadam qazirgi zamanǵy otandyq oppozitsiia institýty qalyptasýynyń apgreidi úshin demeý bolyp sanalady. Buǵan qosa, oppozitsiia konstrýktivti ári taza bolýy tiis», - dep jazdy saiasattanýshy Facebook paraqshasynda.
Máselen, onyń atap ótýinshe, Germaniiada «konstrýktivti oppozitsiia» termini barynsha keńinen qoldanylady. Aitalyq, eldiń sailaýda jeńiliske ushyraǵan parlamenttik partiiasy konstrýktivti saiasat júrgizýge, balama sheshimder usynýǵa, keń aýqymdy pikirtalastar barysynda problemalardy talqylaýǵa mindetti. Osylaisha, parlamenttik oppozitsiia qarsylas emes, halyq narazylyǵynyń ózindik amortizatory rólin atqarýy tiis.
«Buǵan qosa, máslihattardyń sailaýy alǵash ret partiialyq tizimmen ótedi. Tolyqtai alǵanda, saiasi partiialarǵa teńdei ókildik negizinde partiialyq tizim boiynsha máslihatqa sailanýǵa múmkindik beretin aralas shema jergilikti ózin-ózi basqarýdy damytýǵa jańa serpin berý qajet. Atap aitqanda, iri partiialar úshin «syilyq oryn« minimýmǵa tómendep, shaǵyn partiialar da jergilikti atqarýshy organda ókildik etý múmkindigin alady», - dedi Qazbek Maigeldinov.
Osy oraida saiasattanýshy aldymyzda eki aiǵa sozylatyn sailaý aldy naýqanynyń kútip turǵandyǵyn atap ótedi.
«Qorytyndysy qandai bolsa da, bul sailaý saiasatta úlken júielilik pen turaqtylyqqa alyp keletindigine úmit artqyń keledi. Bizge qandai da bir turaqsyzdyq múldem qajet emes. Ekonomikalyq daǵdarys pen pandemiia kezeńinde eldiń odan ary damýy úshin mańyzdy sheshimder qabyldaýda turaqtylyq pen sabaqtastyqty ustap tura alatyn Parlament qajet», - dedi ol.
