ەلٸمٸزدە تۇراقتىلىق پەن ساباقتاستىقتى ۇستاپ تۇرا الاتىن پارلامەنت قاجەت. مۇنداي پٸكٸردٸ تانىمال ساياساتتانۋشى قازبەك مايگەلدينوۆ بٸلدٸردٸ, دەپ حابارلايدى قازاقپارات.
«بٷگٸن سايلاۋ ناۋقانى باستالعانى جارييالاندى. ايتا كەتەرلٸگٸ, مەجٸلٸس سايلاۋى زاڭنامامەن بەكٸتٸلگەن كونستيتۋتسييالىق مەرزٸمدە ٶتەدٸ. بۇعان قوسا, 6-شى شاقىرىلعان مەجٸلٸستٸڭ ورتاشا جاسى ايتارلىقتاي جاسارۋى تيٸس. ايتالىق, 5-شٸ شاقىرىلعان مەجٸلٸستٸڭ دەپۋتاتتىق كورپۋسىنىڭ ورتاشا جاسى 56 جاستى قۇرايدى. دەگەنمەن, جاڭا ٶزگەرتۋلەرگە سەيكەس, العاش رەت پارلامەنتتٸك تەجٸريبەدە ەيەلدەر مەن جاستار ٷشٸن پارتييالىق تٸزٸم بويىنشا 30 پايىزدىق كۆوتا ەنگٸزٸلەتٸن بولادى. بۇل ولاردىڭ ەلدٸڭ قوعامدىق-ساياسي پروتسەستەرٸنە بارىنشا بەلسەندٸ قاتىسۋىنا سەپتٸگٸن تيگٸزەدٸ. تاعى بٸر جاڭاشىلدىق - پارلامەنتتٸك وپپوزيتسييا ينستيتۋتىنىڭ ەنگٸزٸلۋٸ. بۇل قادام قازٸرگٸ زامانعى وتاندىق وپپوزيتسييا ينستيتۋتى قالىپتاسۋىنىڭ اپگرەيدٸ ٷشٸن دەمەۋ بولىپ سانالادى. بۇعان قوسا, وپپوزيتسييا كونسترۋكتيۆتٸ ەرٸ تازا بولۋى تيٸس», - دەپ جازدى ساياساتتانۋشى Facebook پاراقشاسىندا.
مەسەلەن, ونىڭ اتاپ ٶتۋٸنشە, گەرمانييادا «كونسترۋكتيۆتٸ وپپوزيتسييا» تەرمينٸ بارىنشا كەڭٸنەن قولدانىلادى. ايتالىق, ەلدٸڭ سايلاۋدا جەڭٸلٸسكە ۇشىراعان پارلامەنتتٸك پارتيياسى كونسترۋكتيۆتٸ ساياسات جٷرگٸزۋگە, بالاما شەشٸمدەر ۇسىنۋعا, كەڭ اۋقىمدى پٸكٸرتالاستار بارىسىندا پروبلەمالاردى تالقىلاۋعا مٸندەتتٸ. وسىلايشا, پارلامەنتتٸك وپپوزيتسييا قارسىلاس ەمەس, حالىق نارازىلىعىنىڭ ٶزٸندٸك امورتيزاتورى رٶلٸن اتقارۋى تيٸس.
«بۇعان قوسا, مەسليحاتتاردىڭ سايلاۋى العاش رەت پارتييالىق تٸزٸممەن ٶتەدٸ. تولىقتاي العاندا, ساياسي پارتييالارعا تەڭدەي ٶكٸلدٸك نەگٸزٸندە پارتييالىق تٸزٸم بويىنشا مەسليحاتقا سايلانۋعا مٷمكٸندٸك بەرەتٸن ارالاس سحەما جەرگٸلٸكتٸ ٶزٸن-ٶزٸ باسقارۋدى دامىتۋعا جاڭا سەرپٸن بەرۋ قاجەت. اتاپ ايتقاندا, ٸرٸ پارتييالار ٷشٸن «سىيلىق ورىن« مينيمۋمعا تٶمەندەپ, شاعىن پارتييالار دا جەرگٸلٸكتٸ اتقارۋشى ورگاندا ٶكٸلدٸك ەتۋ مٷمكٸندٸگٸن الادى», - دەدٸ قازبەك مايگەلدينوۆ.
وسى ورايدا ساياساتتانۋشى الدىمىزدا ەكٸ ايعا سوزىلاتىن سايلاۋ الدى ناۋقانىنىڭ كٷتٸپ تۇرعاندىعىن اتاپ ٶتەدٸ.
«قورىتىندىسى قانداي بولسا دا, بۇل سايلاۋ ساياساتتا ٷلكەن جٷيەلٸلٸك پەن تۇراقتىلىققا الىپ كەلەتٸندٸگٸنە ٷمٸت ارتقىڭ كەلەدٸ. بٸزگە قانداي دا بٸر تۇراقسىزدىق مٷلدەم قاجەت ەمەس. ەكونوميكالىق داعدارىس پەن پاندەمييا كەزەڭٸندە ەلدٸڭ ودان ارى دامۋى ٷشٸن ماڭىزدى شەشٸمدەر قابىلداۋدا تۇراقتىلىق پەن ساباقتاستىقتى ۇستاپ تۇرا الاتىن پارلامەنت قاجەت», - دەدٸ ول.
