Tilderdi damytýdyń 2020-2024 jyldarǵa arnalǵan memlekettik baǵdarlama jobasyn ázirleýge kirisý qajet. Bul týraly búgin Úkimet otyrysynda Premer-Ministr Baqytjan Saǵyntaev aitty, dep habarlaidy QazAqparat tilshisi.
«Memlekettik tildi damytý josparlanǵan sharalar aiasynda júzege asyrylyp jatyr. Jalpy bul baǵdarlamanyń is-sharalar jospary aiaqtalýǵa jaqyn. Sondyqtan Mádeniet jáne sport ministrligine múddeli memlekettik organdarmen birlesip, Tilderdi damytý boiynsha 2020-2024 jyldarǵa arnalǵan memlekettik baǵdarlama jobasyn ázirleý máselesin pysyqtaýdy tapsyramyn», - dedi Premer-Ministr.
Sonymen qatar, Úkimet basshysy QAZTEST júiesin damytý jónindegi basqarmany elimizdiń Mádeniet jáne sport ministrligine berýge QR Bilim jáne ǵylym miinstri Erlan Saǵadievtiń qarsy emestigin atap ótti.
«Ony ózderińiz eki ministrliktiń arasyndaǵy kelisim boiynsha sheshe jatarsyzdar», - dedi Baqytjan Saǵyntaev.
