QR Ekologiia, geologiia jáne tabiǵi resýrstar ministri Maǵzum Myrzaǵaliev elimizdiń ońtústik óńirindegi egis alqaptaryn sýmen qamtamasyz etýdiń jaǵdaiyn túsindirdi, dep habarlaidy "Ult aqparat".
«Biyl aqpan-naýryz ailarynda biz Aýyl sharýashylyǵy ministrligimen óńirlerge baryp, keńester ótkizdik. Qalyptasyp otyrǵan sý sharýashylyǵy jaǵdaiy týraly jan-jaqty habardar ettik. Jáne sýdy kóp qajet etetin daqyldardyń egistigin azaitýdy usynyp, vegetatsiia kezeńine tiisti daiyndyqtardy ótkizdik. Almaty oblysy boiynsha biyl josparlanǵan 449 myń gektar sýarmaly jerdiń 371 myń gektary boiynsha egý jumystary ótti. Keibir jerlerde egis jumystary jalǵasýda. Jalpy, vegetatsiia kezeńi asa bir qiyn ótip jatyr dep aitýǵa bolmaidy. Biraq, Ile ózenindegi byltyrǵy vegetatsiia kezeńinde ózen aǵysynyń kópjyldyq derekterimen salystyrǵanda aǵyn kórsetkishi normadan 70 paiyzǵa tómen boldy. Byltyr Qapshaǵai sý qoimasy boiynsha qiyn jaǵdai qalyptasqanyn eskerý qajet. Bul jait aǵymdaǵy jyly da qaitalanýy múmkin», - dedi Myrzaǵaliev.
Onyń aitýynsha, osyǵan bailanysty oblys ákimdigi qala turǵyndaryn aýyz sýmen turaqty jáne úzdiksiz qamtamasyz etý maqsatynda Qapshaǵai jáne Aqdala, Sheńgeldi sýarmaly alqaptarynda tiisti is-sharalar qabyldaý kerek.
«Jambyl oblysy boiynsha biyl sýarmaly jerler alańynda barlyǵy 110 myń gektar aýyl sharýashylyǵy daqyldary ornalastyryldy. Onyń ishinde búgingi kúni 48,4 myń gektary sýaryldy. Qazirgi ýaqytta Qordai aýdanynda Qyrǵyzstannan keletin sýarmaly sýdyń turaqty berilmeýi baiqaldy. Sonymen qatar, ystyq aýa-raiynyń qalyptasýy áser etip otyr. Osyǵan bailanysty Qordai, Baizaq, Jambyl jáne Talas aýdandarynyń aýyl sharýashylyǵy taýar óndirýshilerimen túsindirý jumystary júrgizilip jatyr. Sharýashylyqtar arasyndaǵy sý kezektilikti saqtai otyryp, sý ainalymy ádisimen beriledi», - dedi ministr.
Onyń sózine qaraǵanda, Qyzylorda oblysy boiynsha Syrdariia ózenindegi sý deńgeiiniń tómen bolýyna bailanysty oblystyń sýarmaly jerlerin, ásirese, kúrish egistikterin sýmen qamtamasyz etý boiynsha kúrdeli jaǵdai jalǵasyp keledi.
«Ákimdiktiń derekteri boiynsha 2021 jylǵa arnalǵan egis jospary shamamen 188 myń gektar quraidy. Onyń ishinde 84,4 myń gektaryna kúrish egý josparlanǵan bolsa, búgingi tańda naqty seksen úsh 83 myń gektar egildi. Bul byltyrǵa qaraǵanda 7 myń gektarǵa az», - dedi Myrzaǵaliev.
Túrkistan oblysy boiynsha 2021 jylǵa josparlanǵan egis kólemi 440 myń gektardy quraidy. Onyń ishinde kúrish alqaptary – 2 myń gektar. Osy aimaqqa tiesili aǵynnyń shamamen 85% paiyzy Ózbekstannan kelip túsedi. Shardara sý qoimasynyń kólemi ótken jylmen salystyrǵanda 550 mln tekshe metrge az bolyp tur.
«Dostyq» kanalynda ótinimderdiń ulǵaiýyna bailanysty mamyr aiynyń ekinshi onkúndiginen Shardara sý qoimasynan mashinalyq sý berý arnasy iske qosyldy.
