قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ەلٸمٸزدٸڭ وڭتٷستٸك ٶڭٸرٸندەگٸ ەگٸس القاپتارىن سۋمەن قامتاماسىز ەتۋدٸڭ جاعدايىن تٷسٸندٸردٸ, دەپ حابارلايدى "ۇلت اقپارات".
«بيىل اقپان-ناۋرىز ايلارىندا بٸز اۋىل شارۋاشىلىعى مينيسترلٸگٸمەن ٶڭٸرلەرگە بارىپ, كەڭەستەر ٶتكٸزدٸك. قالىپتاسىپ وتىرعان سۋ شارۋاشىلىعى جاعدايى تۋرالى جان-جاقتى حاباردار ەتتٸك. جەنە سۋدى كٶپ قاجەت ەتەتٸن داقىلداردىڭ ەگٸستٸگٸن ازايتۋدى ۇسىنىپ, ۆەگەتاتسييا كەزەڭٸنە تيٸستٸ دايىندىقتاردى ٶتكٸزدٸك. الماتى وبلىسى بويىنشا بيىل جوسپارلانعان 449 مىڭ گەكتار سۋارمالى جەردٸڭ 371 مىڭ گەكتارى بويىنشا ەگۋ جۇمىستارى ٶتتٸ. كەيبٸر جەرلەردە ەگٸس جۇمىستارى جالعاسۋدا. جالپى, ۆەگەتاتسييا كەزەڭٸ اسا بٸر قيىن ٶتٸپ جاتىر دەپ ايتۋعا بولمايدى. بٸراق, ٸلە ٶزەنٸندەگٸ بىلتىرعى ۆەگەتاتسييا كەزەڭٸندە ٶزەن اعىسىنىڭ كٶپجىلدىق دەرەكتەرٸمەن سالىستىرعاندا اعىن كٶرسەتكٸشٸ نورمادان 70 پايىزعا تٶمەن بولدى. بىلتىر قاپشاعاي سۋ قويماسى بويىنشا قيىن جاعداي قالىپتاسقانىن ەسكەرۋ قاجەت. بۇل جايت اعىمداعى جىلى دا قايتالانۋى مٷمكٸن», - دەدٸ مىرزاعاليەۆ.
ونىڭ ايتۋىنشا, وسىعان بايلانىستى وبلىس ەكٸمدٸگٸ قالا تۇرعىندارىن اۋىز سۋمەن تۇراقتى جەنە ٷزدٸكسٸز قامتاماسىز ەتۋ ماقساتىندا قاپشاعاي جەنە اقدالا, شەڭگەلدٸ سۋارمالى القاپتارىندا تيٸستٸ ٸس-شارالار قابىلداۋ كەرەك.
«جامبىل وبلىسى بويىنشا بيىل سۋارمالى جەرلەر الاڭىندا بارلىعى 110 مىڭ گەكتار اۋىل شارۋاشىلىعى داقىلدارى ورنالاستىرىلدى. ونىڭ ٸشٸندە بٷگٸنگٸ كٷنٸ 48,4 مىڭ گەكتارى سۋارىلدى. قازٸرگٸ ۋاقىتتا قورداي اۋدانىندا قىرعىزستاننان كەلەتٸن سۋارمالى سۋدىڭ تۇراقتى بەرٸلمەۋٸ بايقالدى. سونىمەن قاتار, ىستىق اۋا-رايىنىڭ قالىپتاسۋى ەسەر ەتٸپ وتىر. وسىعان بايلانىستى قورداي, بايزاق, جامبىل جەنە تالاس اۋداندارىنىڭ اۋىل شارۋاشىلىعى تاۋار ٶندٸرۋشٸلەرٸمەن تٷسٸندٸرۋ جۇمىستارى جٷرگٸزٸلٸپ جاتىر. شارۋاشىلىقتار اراسىنداعى سۋ كەزەكتٸلٸكتٸ ساقتاي وتىرىپ, سۋ اينالىمى ەدٸسٸمەن بەرٸلەدٸ», - دەدٸ مينيستر.
ونىڭ سٶزٸنە قاراعاندا, قىزىلوردا وبلىسى بويىنشا سىردارييا ٶزەنٸندەگٸ سۋ دەڭگەيٸنٸڭ تٶمەن بولۋىنا بايلانىستى وبلىستىڭ سۋارمالى جەرلەرٸن, ەسٸرەسە, كٷرٸش ەگٸستٸكتەرٸن سۋمەن قامتاماسىز ەتۋ بويىنشا كٷردەلٸ جاعداي جالعاسىپ كەلەدٸ.
«ەكٸمدٸكتٸڭ دەرەكتەرٸ بويىنشا 2021 جىلعا ارنالعان ەگٸس جوسپارى شامامەن 188 مىڭ گەكتار قۇرايدى. ونىڭ ٸشٸندە 84,4 مىڭ گەكتارىنا كٷرٸش ەگۋ جوسپارلانعان بولسا, بٷگٸنگٸ تاڭدا ناقتى سەكسەن ٷش 83 مىڭ گەكتار ەگٸلدٸ. بۇل بىلتىرعا قاراعاندا 7 مىڭ گەكتارعا از», - دەدٸ مىرزاعاليەۆ.
تٷركٸستان وبلىسى بويىنشا 2021 جىلعا جوسپارلانعان ەگٸس كٶلەمٸ 440 مىڭ گەكتاردى قۇرايدى. ونىڭ ٸشٸندە كٷرٸش القاپتارى – 2 مىڭ گەكتار. وسى ايماققا تيەسٸلٸ اعىننىڭ شامامەن 85% پايىزى ٶزبەكستاننان كەلٸپ تٷسەدٸ. شاردارا سۋ قويماسىنىڭ كٶلەمٸ ٶتكەن جىلمەن سالىستىرعاندا 550 ملن تەكشە مەترگە از بولىپ تۇر.
«دوستىق» كانالىندا ٶتٸنٸمدەردٸڭ ۇلعايۋىنا بايلانىستى مامىر ايىنىڭ ەكٸنشٸ ونكٷندٸگٸنەن شاردارا سۋ قويماسىنان ماشينالىق سۋ بەرۋ ارناسى ٸسكە قوسىلدى.
