Sheteldegi jáne elge kóship kelgen aǵaiyndardy qoldaý úshin Otandastar qory qurylady. Bul týraly Táýelsizdik saraiynda ótip jatqan dúniejúzi qazaqtarynyń V quryltaiynda Memleket basshysy Nursultan Nazarbaev málimdedi, dep habarlaidy "Ult aqparat" Baq.kz portalyna silteme jasap.
«Qandastarǵa memleket pen qoǵam tarapynan jan-jaqty qoldaý, kómek jasaý úshin mynandai jumystardy qolǵa alaiyq. Birinshiden, sheteldegi jáne elge kóship kelgen aǵaiyndardy qoldaý úshin «Otandastar» degen qor quramyz. Men ony Úkimetke tapsyratyn bolamyn», - dedi ol.
Sonymen qatar Qazaqstan prezidenti elimizde bai azamattardyń qatary kóbeigenin atap ótti.
«Degenmen ózderińiz bilesizder, 25 jyldyń ishinde ekonomikanyń órkendep ósýine bailanysty, júrgizip otyrǵan saiasatqa bailanysty biraz azamattar belgili, bai boldy. Qazir Qazaqstanda bai, qaltaly azamattar jetkilikti. Olar jumys isteýde. Endi biz qýatty elge ainalýǵa umtylyp jatyrmyz», - dedi Nursultan Nazarbaev.
.jpeg)