Qazaqstanda buǵan deiin qurylǵan sailaý komissiialarynyń bes jyldyq ókilettik merziminiń aiaqtalýyna bailanysty biyl 10202 sailaý komissiiasynyń quramy jańadan bekitildi.
Bul týraly búgin Astanada Ortalyq sailaý komissiiasynyń tóraǵasy Berik Imashev ótkizgen OSK keńeitilgen otyrysynda aityldy.
OSK esepti sailaý protsesin uiymdastyrý bóliminiń bastyǵy Dáýren Ysqaqovtyń sózinshe, elde 232 aýmaqtyq jáne 9970 sailaý ýchaskesi boiynsha sailaý komissiialary qurylǵan. Olardyń quramy 40,5 paiyzǵa jańartylǵan. 2014 jylmen salystyrǵanda sailaý komissiialarynyń sany 3105-ge azaiǵan. Sailaý zańyna keiingi engizilgen ózgertýlerge bailanysty aýdandyq sailaý komissiialarynyń quramy qalyptaspaǵan. Aýdandyq komissiialardyń quramy (5-ten 11 adamǵa deiin) sailaýshylar sanyna bailanysty anyqtalmaq.
Sailaý komissiialary músheleriniń 66,4 paiyzynyń joǵary bilimi bar, ortasha jasy - 43,8 jas. Sailaý komissiialary quramyndaǵy áielder sany burynǵydan 66,8 paiyzǵa kóbeigen. Komissiia músheleriniń 68,7% alty saiasi partiianyń, 29,9% - qoǵamdyq birlestikterdiń, 1,4% - joǵary turǵan komissiialardyń usynystary boiynsha sailanǵan.
Tizimde TMD missiialarynyń, EQYU / DIAQB quramynda jáne Moldovadaǵy Ortalyq sailaý komissiiasynyń shaqyrýymen sailaý baqylaýyna qatysatyn 9 baqylaýshy bar.
Sonymen qatar, Parlamentaralyq Assambleiasynan Qazaqstan parlamentiniń 4 ókili TMD-ǵa qatysýshy memleketterdiń delegatsiiasy quramynda, 1 - EQYU Parlamenttik Assambleiasy delegatsiiasynyń quramynda sailaý baqylaýyna qatysady.
