قازاقستاندا بۇعان دەيٸن قۇرىلعان سايلاۋ كوميسسييالارىنىڭ بەس جىلدىق ٶكٸلەتتٸك مەرزٸمٸنٸڭ اياقتالۋىنا بايلانىستى بيىل 10202 سايلاۋ كوميسسيياسىنىڭ قۇرامى جاڭادان بەكٸتٸلدٸ.
بۇل تۋرالى بٷگٸن استانادا ورتالىق سايلاۋ كوميسسيياسىنىڭ تٶراعاسى بەرٸك يماشەۆ ٶتكٸزگەن وسك كەڭەيتٸلگەن وتىرىسىندا ايتىلدى.
وسك ەسەپتٸ سايلاۋ پروتسەسٸن ۇيىمداستىرۋ بٶلٸمٸنٸڭ باستىعى دەۋرەن ىسقاقوۆتىڭ سٶزٸنشە, ەلدە 232 اۋماقتىق جەنە 9970 سايلاۋ ۋچاسكەسٸ بويىنشا سايلاۋ كوميسسييالارى قۇرىلعان. ولاردىڭ قۇرامى 40,5 پايىزعا جاڭارتىلعان. 2014 جىلمەن سالىستىرعاندا سايلاۋ كوميسسييالارىنىڭ سانى 3105-گە ازايعان. سايلاۋ زاڭىنا كەيٸنگٸ ەنگٸزٸلگەن ٶزگەرتۋلەرگە بايلانىستى اۋداندىق سايلاۋ كوميسسييالارىنىڭ قۇرامى قالىپتاسپاعان. اۋداندىق كوميسسييالاردىڭ قۇرامى (5-تەن 11 ادامعا دەيٸن) سايلاۋشىلار سانىنا بايلانىستى انىقتالماق.
سايلاۋ كوميسسييالارى مٷشەلەرٸنٸڭ 66,4 پايىزىنىڭ جوعارى بٸلٸمٸ بار, ورتاشا جاسى - 43,8 جاس. سايلاۋ كوميسسييالارى قۇرامىنداعى ەيەلدەر سانى بۇرىنعىدان 66,8 پايىزعا كٶبەيگەن. كوميسسييا مٷشەلەرٸنٸڭ 68,7% التى ساياسي پارتييانىڭ, 29,9% - قوعامدىق بٸرلەستٸكتەردٸڭ, 1,4% - جوعارى تۇرعان كوميسسييالاردىڭ ۇسىنىستارى بويىنشا سايلانعان.
تٸزٸمدە تمد ميسسييالارىنىڭ, ەقىۇ / دياقب قۇرامىندا جەنە مولدوۆاداعى ورتالىق سايلاۋ كوميسسيياسىنىڭ شاقىرۋىمەن سايلاۋ باقىلاۋىنا قاتىساتىن 9 باقىلاۋشى بار.
سونىمەن قاتار, پارلامەنتارالىق اسسامبلەياسىنان قازاقستان پارلامەنتٸنٸڭ 4 ٶكٸلٸ تمد-عا قاتىسۋشى مەملەكەتتەردٸڭ دەلەگاتسيياسى قۇرامىندا, 1 - ەقىۇ پارلامەنتتٸك اسسامبلەياسى دەلەگاتسيياسىنىڭ قۇرامىندا سايلاۋ باقىلاۋىنا قاتىسادى.
