Qazaqstanda kredit tarihy nashar qaryz alýshylardy ońaltý tásilderi ázirlendi. Bul jaiynda QR Qarjy naryǵyn retteý jáne damytý agenttiginiń tóraiymy Mádina Ábilqasovanyń Májilis depýtattarynyń saýalyna bergen jaýabynda aitylǵan, dep habarlaidy "Ult aqparat".
«Agenttiktiń qarjy naryǵyna qatysýshylarmen jáne «Qazaqstan qarjygerleriniń qaýymdastyǵy» ZTB-men birlesip, kredit tarihy nashar qaryz alýshylardy ońaltý tásilderin ázirlegenin habarlaimyz», - dedi ol.
Onyń atap ótýinshe, ońaltý algoritmi buryn problemalyq qaryzdaryn ótegen 1,4 mln azamatqa «ońaltyldy» mártebesin berýdi kózdeidi.
«90 kúnnen astam merzimi ótken qaryzdary bar qaryz alýshylarǵa qatysty ońaltýdan ótý kezeńderi (ońaltýǵa ótinish berý, bereshekti qaita qurylymdaý nemese qaryzdy qaita qarjylandyrý rásimderin ázirleý, qaryz alýshy men kreditor arasynda kelisim jasaý, qaryz boiynsha tólemderdi jańartý) belgilendi. Olardan ótý nátijeleri boiynsha qaryz alýshyǵa «ońaltyldy» mártebesi beriledi. Ońaltý rásimin shamamen 600 myń boryshker paidalana alady», - dedi agenttik tóraiymy.
