Ulttyq ǵylymi kardiohirýrgiia ortalyǵynda «postkovidti belgiler» jobasy synaqtan ótýde, dep habarlaidy QazAqparat.
«Ótken jyldyń qazan aiynan bastap bizdiń ortalyqtyń bazasynda postkovidti belgileri bar naýqastarǵa tekserý jumystaryn júrgizip jatyrmyz. Maqsat – elimizdegi koronavirýsqa qatysty jaǵdaida jaqsartý. Ótken jyldyń jeltoqsan aiynda 400-den astam adam tekseristen ótti. Onyń ishinde 100-i – bala», - deidi «Ulttyq ǵylymi kardiohirýrgiia ortalyǵy» KeAQ qabyldaý bólimshesiniń meńgerýshisi Ainur Táýekelova.
Ol koronavirýsqa qatysty eki termin bar ekenin aitty. Biri – sozylmaly koronavirýs bolsa, ekinshisi postkovidti belgiler.
«Sozylmaly koronavirýs dep aýyryp bolǵannan keiin aýrý belgileri 3 aptaǵa deiin saqtalyp qalatyn jaǵdaidy aitamyz. Al postkovidti belgiler degenimiz – koronavirýspen aýyryp bolǵan adamda aýrý belgileri 12 aptadan astam ýaqyt saqtalyp qalady. Bizde tekserilgen 287 naýqasta immýndyq jetispeýshilik kúi baiqaldy. 20 adamda tsitomegalovirýsynyń, gerpes virýsynyń saqtalyp qalýy baiqalǵan. Sondai-aq, koronavirýspen aýyrǵan naýqastarda D, V12 dárýmeni men folii qyshqylynyń jetispeýshiligi baiqalǵan. 190 adamda kognitivtik qyzmet buzylǵan, iaǵni este saqtaý qabileti nasharlaǵan. Sonymen qatar, júrek-qan tamyrlarý aýrýlary, sonyń ishinde 20 naýqasta alǵash ret kúretamyr qysymynyń kóterilýi anyqtalǵan. Endokrindik patalogiia da anyqtalǵan, sonyń ishinde 2 naýqasqa qant diabeti diagnozy qoiylsa, 13 naýqasta qant diabetiniń dekompensatsiiasy bolǵan, 40 naýqastyń qalqansha beziniń qyzmeti buzylǵan. Tynys alý júiesinde de palatogiia anyqtaldy», - deidi ol.
