ۇلتتىق عىلىمي كارديوحيرۋرگييا ورتالىعىندا «پوستكوۆيدتٸ بەلگٸلەر» جوباسى سىناقتان ٶتۋدە, دەپ حابارلايدى قازاقپارات.
«ٶتكەن جىلدىڭ قازان ايىنان باستاپ بٸزدٸڭ ورتالىقتىڭ بازاسىندا پوستكوۆيدتٸ بەلگٸلەرٸ بار ناۋقاستارعا تەكسەرۋ جۇمىستارىن جٷرگٸزٸپ جاتىرمىز. ماقسات – ەلٸمٸزدەگٸ كوروناۆيرۋسقا قاتىستى جاعدايدا جاقسارتۋ. ٶتكەن جىلدىڭ جەلتوقسان ايىندا 400-دەن استام ادام تەكسەرٸستەن ٶتتٸ. ونىڭ ٸشٸندە 100-ٸ – بالا», - دەيدٸ «ۇلتتىق عىلىمي كارديوحيرۋرگييا ورتالىعى» كەاق قابىلداۋ بٶلٸمشەسٸنٸڭ مەڭگەرۋشٸسٸ اينۇر تەۋەكەلوۆا.
ول كوروناۆيرۋسقا قاتىستى ەكٸ تەرمين بار ەكەنٸن ايتتى. بٸرٸ – سوزىلمالى كوروناۆيرۋس بولسا, ەكٸنشٸسٸ پوستكوۆيدتٸ بەلگٸلەر.
«سوزىلمالى كوروناۆيرۋس دەپ اۋىرىپ بولعاننان كەيٸن اۋرۋ بەلگٸلەرٸ 3 اپتاعا دەيٸن ساقتالىپ قالاتىن جاعدايدى ايتامىز. ال پوستكوۆيدتٸ بەلگٸلەر دەگەنٸمٸز – كوروناۆيرۋسپەن اۋىرىپ بولعان ادامدا اۋرۋ بەلگٸلەرٸ 12 اپتادان استام ۋاقىت ساقتالىپ قالادى. بٸزدە تەكسەرٸلگەن 287 ناۋقاستا يممۋندىق جەتٸسپەۋشٸلٸك كٷي بايقالدى. 20 ادامدا تسيتومەگالوۆيرۋسىنىڭ, گەرپەس ۆيرۋسىنىڭ ساقتالىپ قالۋى بايقالعان. سونداي-اق, كوروناۆيرۋسپەن اۋىرعان ناۋقاستاردا د, ۆ12 دەرۋمەنٸ مەن فوليي قىشقىلىنىڭ جەتٸسپەۋشٸلٸگٸ بايقالعان. 190 ادامدا كوگنيتيۆتٸك قىزمەت بۇزىلعان, ياعني ەستە ساقتاۋ قابٸلەتٸ ناشارلاعان. سونىمەن قاتار, جٷرەك-قان تامىرلارۋ اۋرۋلارى, سونىڭ ٸشٸندە 20 ناۋقاستا العاش رەت كٷرەتامىر قىسىمىنىڭ كٶتەرٸلۋٸ انىقتالعان. ەندوكريندٸك پاتالوگييا دا انىقتالعان, سونىڭ ٸشٸندە 2 ناۋقاسقا قانت ديابەتٸ دياگنوزى قويىلسا, 13 ناۋقاستا قانت ديابەتٸنٸڭ دەكومپەنساتسيياسى بولعان, 40 ناۋقاستىڭ قالقانشا بەزٸنٸڭ قىزمەتٸ بۇزىلعان. تىنىس الۋ جٷيەسٸندە دە پالاتوگييا انىقتالدى», - دەيدٸ ول.
