Elbasy akademiiasy negizindegi «Birge oqý» jobasynyń ujymy muǵalimder men pedagogikalyq ýniversitterdiń stýdentterine tegin onlain kýrs uiymdastyrdy, dep habarlaidy QazAqparat.
Tórt kúndik kýrs «Áriptesterińizdiń arasynda tsifrly mentor bolyp, óz bilimińizben bólisińiz!» uranymen 2020 jyldyń 29 shildesinde bastaý aldy. Qashyqtan oqytý taqyrybyna arnalǵan kýrs 2 myńnan astam muǵalim men pedagogikalyq ýniversitettiń stýdentterin qamtyp shyqty.
«Karantin barlyq uiymdardyń josparlaryna túzetýler engizdi. Bilimniń qashyqtan oqytý formatyna aýysatyny belgili bolǵan kezde, biz osy qiyn kezeńde pedagogtardy qoldaý múmkindigin izdeýge tyrystyq. Osylaisha «Birge oqý» pikirtalas alańy negizinde alǵashqy oqytý kýrsynyń ideiasy paida boldy. Joba muǵalimderge qashyqtan oqytýdyń jańa tehnologiialary men resýrstaryn igerýge, ata- analarǵa jańa múmkindikter týraly kóbirek bilýge jáne yqtimal qaýipterdi joiýǵa, oqýshylarǵa - sapaly bilimge qol jetimdilikti keńeitýge kómektesedi. Munyń bári eldiń kez kelgen turǵyny úshin tegin jáne qoljetimdi», - dedi «Elbasy Akademiiasy» KQ basshysynyń orynbasary Ánýar Janǵozin.
Onyń sózine qaraǵanda, «Birge oqý» pikirtalas alańynyń jumysy otandyq jáne sheteldik sarapshylardy, bilim berýdiń barlyq deńgeiindegi pedagogtardy biriktirdi. Al oqytý beine jazbalaryn 190 myńǵa jýyq adam qarady.
«Bizdiń jattyqtyrýshylar qashyqtan bilim berý rejiminde sabaqtardy tiimdi ótkizýdiń negizgi quraldaryn aityp, kórsetti. Biz ártúrli jaǵdailardy taldadyq, olardy paidalaný mysaldarymen eń tanymal ádister týraly tikelei efirlerde sholý jasadyq. Jańa oqý jyly qarsańynda biz jobadaǵy qyzmetter tizbegin keńeittik. Ótken aptada «Tsifrly mentor» kýrsy bastaldy, ol tórtinshi toqsan kezindegi basty jumys tájiribesin, atap aitqanda osy ádiske baǵyttalǵan tásildi qamtydy», - dedi ol.
Belgili bolǵandai, 4 kún ishinde pedagogtar daiyn quraldardy alyp qana qoimai, SAMR modeli boiynsha qashyqtan oqytý ádistemesimen tanysty.
Aýyldyq jerlerde kreativti beine-sabaqtardy smartfondar arqyly jasai aldy. Kýrs sońynda olar óz páni boiynsha onlain kýrs úshin oqý josparyn quryp, onda bilimdi baǵalaý jáne oqýshylarmen keri bailanys jasaý quraldaryn qosa aldy. Kýrsqa 2 myńnan astam adam qatysty.
