Qazaqstanda páter jaldaý quny bir jylda 18,5% ósken, dep habarlaidy QazAqparat.
2021 jyldyń qazan aiynda jalǵa beriletin turǵyn úi quny 2020 jyldyń sáikes kezeńimen salystyrǵanda rekordtyq 18,5 % artty. Bir jyl buryn baǵanyń ósýi 9,8 % boldy.
EnergyProm zertteý agenttiginiń málimetinshe, Almaty oblysynda páterdi jaldaý baǵasy – 4,2%-ǵa, Batys Qazaqstanda – 37,4%, Almatyda – 35% jáne Shymkentte –33,8% ósken.
Qyrkúiekte páterdi jaldaý baǵasy 1,1% qymbattaǵan. Baǵa negizinen shilde aiynda anaǵurlym kóterilip, 4,2% deiin artty.
Qyrkúiekte el boiynsha jalǵa beriletin páterdiń bir sharshy metri orta eseppen 1877 teńge bolǵan. Degenmen, iri qalalarda bir sharshy metrdiń quny 3 myń teńgeden asyp ketken.
Máselen, Nur-Sultanda bir sharshy metr – 3443 teńge bolsa, Almatyda – 3062 teńge, Aqtaýda – 2359 teńge, Túrkistanda – 2307 teńge bolǵan.
Elimiz boiynsha Tarazda páterdi arzanǵa jaldaýǵa bolady, onda jalǵa beriletin páterdiń bir sharshy metri – 1370 teńge, Qyzylordada – 1398 teńge jáne Semeide – 1452 teńge.
