Balalardyń quqyqtaryn qorǵaý komiteti tóraǵasynyń orynbasary Iýliia Ovechkina eldegi jetim balalardyń sany týraly málimet berdi, dep habarlaidy QazAqparat.
«Búgingi tańda respýblikada 23 myńǵa jýyq jetim jáne ata-anasynyń qamqorlyǵynsyz qalǵan balalar bar. Onyń tek 4 myńy ǵana balalar úiinde turady. Ondai mekemelerdiń sany jyldan-jylǵa azaiyp keledi. Tek sońǵy 10 jylda jetim balalarǵa arnalǵan 114 uiym qysqardy», - dedi ol Ortalyq kommýnikatsiialar qyzmetinde ótken brifingte.
Onyń aitýynsha, balalar úiiniń qysqarýyna qamqorlyqsyz qalatyn balalardyń azaiýy túrtki bolǵan.
«Búginde elimizde jetim balalar men ata-anasynyń qamqorlyǵynsyz qalǵan balalarǵa arnalǵan 96 uiym jumys isteidi. Sońǵy 10 jylda osy uiymdardyń tárbielenýshileriniń jáne jalpy jetim balalardyń kontingenti el boiynsha 10 myńǵa qysqardy. Al sońǵy 3 jylda kontingent 2 myń bala tizimnen shyǵaryldy», - dep qorytyndylady Iýliia Ovechkina.
