Qazaqstanda birqatar musylmandyq dini rásim ótkizýge qatysty ózgerister engizildi. Ol týraly Qazaqstan Musylmandary dini basqarmasynyń tóraǵasy Naýryzbai qajy Taǵanuly málim etti, dep habarlaidy QazAqparat.
«Biyl Qazaqstan Musylmandary dini basqarmasynyń 30 jyldyq mereitoiy. Osy ýaqyttyń ishinde dini basqarma el aldynda abyroiǵa jetti. Búgin osy mereitoi aiasynda IV respýblikalyq imamdardyń onlain forýmy ótip jatyr. Forýmda birqatar dini qujat qaita qaralyp, qabyldandy. Atap aitar bolsaq, «As berý mádenieti», «Zirat jáne ziiarat mádenieti», «Ziiatker imam» qujattary qabyldanyp otyr. Bul qujattar adamdardyń dini mádenietin saqtaý men damytýǵa úles qosady degen senimdemiz», - dedi Naýryzbai qajy Taǵanuly.
Bas múftidiń aitýynsha, atalǵan qujattardyń zańdyq kúshi joq, tek qana nasihattaý maqsatyn kózdeidi.
«Mysaly, as bergende adamdar ysyrapqa barmaýy tiis. Biz qujatta as berýdiń ýaqyty men qandai taǵamdar bolýy tiis ekenin kórsetetin bolamyz. Sondai-aq, zirat pen ziiarat mádenietine kelsek, qazir ózderińiz bilesizder qasietti oryndarǵa barýshylardyń sany kóbeiip jatyr. Osy oraida shariǵat sheńberi men salt-dústúrge sai ziiarat jasaýdy úiretetin bolamyz. Iaǵni asyra silteýshilik bolmaýy qajet. Bunyń barlyǵy adamdardyń dini rásim men ádet-ǵurypty ustaný mádenietin qalyptastyrý maqsatynda jasalynyp otyr», - dedi ol.
Dini basqarmasynyń basshysy málim etkendei, aldaǵy ýaqytta dini rásimge qatysty jańa qujattardyń mańyzyn imamdar el arasynda nasihattaityn bolady.
