2020 jyly Eńbek, áleýmettik qorǵaý jáne kóshi-qon komitetiniń óńirlik departamentteri 886 obektide múgedektigi bar adamdardyń áleýmettik jáne kólik infraqurylymyna qol jetkizýin qamtamasyz etý boiynsha zańbuzýshylyqtardy anyqtady, dep habarlaidy "Ult aqparat".
2020 jyly memlekettik basqarý, densaýlyq saqtaý, mádeniet jáne kóliktik qyzmet kórsetý salalaryndaǵy obektilerde buzýshylyqtardy anyqtaý boiynsha 970 baqylaý is-sharasy ótkizildi.
Onyń ishinde 886 obektide múgedektigi bar adamdar úshin qoljetimdi ortany qamtamasyz etý turǵysynan tekserý júrgizildi.
Bul rette 604 tekserý josparly profilaktikalyq baqylaý jáne 282-si jospardan tys, iaǵni azamattardyń bergen ótinishteri negizinde júrgizildi.
Tekserý nátijesinde múgedektigi bar adamdardy áleýmettik qorǵaý jáne olarǵa arnaýly áleýmettik qyzmet kórsetý salasynda anyqtalǵan buzýshylyqtardy joiýǵa 699 nusqama berildi.
Onyń 86-sy boiynsha jalpy somasy 21,2 mln teńgege ákimshilik aiyppuldar salyndy.
Qazaqstanda barlyǵy 35 158 áleýmettik infraqurylym obektisi bar, onyń ishinde 34 784 obektide 2020 jyly jergilikti atqarýshy organdar múgedektigi bar adamdar úshin qoljetimdi ortany uiymdastyrý turǵysynan pasporttaý júrgizdi.
Aita ketý kerek, pasporttalǵan 25 777 (75%) obekt beiimdelýge tiis. Biylǵy 1 qańtardaǵy jaǵdai boiynsha onyń 25 711-i beiimdelgen.
