2020 jyly elimizde mal sany artty. Bul týraly halyqqa esep berý kezdesýinde QR Aýyl sharýashylyǵy ministri Saparhan Omarov aitty, dep habarlaidy "Ult aqparat".
Qabyldanǵan is-sharalardyń arqasynda mal sharýashylyǵynda mal jáne qus basy sany turaqty qarqynmen artyp kele jatyr. Aitalyq, 2020 jyldyń qorytyndysynda iri qara mal basy 7,8 mln-ǵa jetti. Bul 2019 jylmen salystyrǵanda 5,6 paiyzǵa kóp. Qoi men eshi sany 4,7, jylqy 10,1, túie 5,2 paiyzǵa kóbeidi. Soǵan orai mal sharýashylyǵy ónimderin, atap aitqanda et óndirý 4,3, sút 3,2 paiyzǵa artty», - dedi ministr.
Onyń atap ótýinshe, ótken jyly 48 sútti-taýarly ferma iske qosyldy. Bul sút zaýyttarynyń júktemesin 75-ten 77 paiyzǵa deiin arttyrýǵa, sút óńdeý kólemin 1 826 myń tonnaǵa jetkizýge múmkindik berdi.
«Sonymen qatar 3 et kombinaty paidalanýǵa berildi. Bul et óńdeý kólemin 15 myń tonnaǵa, 151 myńnan 166 myń tonnaǵa jetkizýge múmkindik berdi. 8 qus fabrikasy ashylyp, uiymdastyrylǵan sharýashylyqtardaǵy qus eti óndirisiniń kólemin 222,7 myńnan 235,6 myń tonnaǵa jetkizýge jol ashty», - dedi Saparhan Omarov.
