2020 جىلى ەلٸمٸزدە مال سانى ارتتى. بۇل تۋرالى حالىققا ەسەپ بەرۋ كەزدەسۋٸندە قر اۋىل شارۋاشىلىعى مينيسترٸ ساپارحان وماروۆ ايتتى, دەپ حابارلايدى "ۇلت اقپارات".
قابىلدانعان ٸس-شارالاردىڭ ارقاسىندا مال شارۋاشىلىعىندا مال جەنە قۇس باسى سانى تۇراقتى قارقىنمەن ارتىپ كەلە جاتىر. ايتالىق, 2020 جىلدىڭ قورىتىندىسىندا ٸرٸ قارا مال باسى 7,8 ملن-عا جەتتٸ. بۇل 2019 جىلمەن سالىستىرعاندا 5,6 پايىزعا كٶپ. قوي مەن ەشٸ سانى 4,7, جىلقى 10,1, تٷيە 5,2 پايىزعا كٶبەيدٸ. سوعان وراي مال شارۋاشىلىعى ٶنٸمدەرٸن, اتاپ ايتقاندا ەت ٶندٸرۋ 4,3, سٷت 3,2 پايىزعا ارتتى», - دەدٸ مينيستر.
ونىڭ اتاپ ٶتۋٸنشە, ٶتكەن جىلى 48 سٷتتٸ-تاۋارلى فەرما ٸسكە قوسىلدى. بۇل سٷت زاۋىتتارىنىڭ جٷكتەمەسٸن 75-تەن 77 پايىزعا دەيٸن ارتتىرۋعا, سٷت ٶڭدەۋ كٶلەمٸن 1 826 مىڭ تونناعا جەتكٸزۋگە مٷمكٸندٸك بەردٸ.
«سونىمەن قاتار 3 ەت كومبيناتى پايدالانۋعا بەرٸلدٸ. بۇل ەت ٶڭدەۋ كٶلەمٸن 15 مىڭ تونناعا, 151 مىڭنان 166 مىڭ تونناعا جەتكٸزۋگە مٷمكٸندٸك بەردٸ. 8 قۇس فابريكاسى اشىلىپ, ۇيىمداستىرىلعان شارۋاشىلىقتارداعى قۇس ەتٸ ٶندٸرٸسٸنٸڭ كٶلەمٸن 222,7 مىڭنان 235,6 مىڭ تونناعا جەتكٸزۋگە جول اشتى», - دەدٸ ساپارحان وماروۆ.
