1 jáne 2 surypty shitti maqtanyń satyp alý baǵasy bir kelisine 130 teńgeden joǵary bolyp belgilendi, dep habarlaidy QR AShM baspasóz qyzmeti.
Qazaqstandaǵy maqta salasy negizinen eksportqa baǵyttalǵandyqtan, ondaǵy baǵa saiasaty syrtqy naryqtaǵy ónimge suranys negizinde qalyptasady. Aǵymdaǵy jyly qazaqstandyq maqta naryǵynda sheteldik kompaniialardyń belsendiligine álemdegi kúrdeli epidemiologiialyq jaǵdai men Eýropadaǵy koronavirýstyń ekinshi tolqynynyń taralýy áser etti.
Satyp alý baǵasyn anyqtaý máselesin retteý úshin QR Aýyl sharýashylyǵy birinshi vitse-ministri A.Saparovtyń tóraǵalyǵymen Túrkistan oblysynyń Aýyl sharýashylyǵy basqarmasy men Qazaqstandyq maqta qaýymdastyǵy jáne maqta óńdeý zaýyttary basshylarynyń qatysýymen keńes ótti.
Keńes qorytyndysy boiynsha aǵymdaǵy jyldyń 9 qazanynda Qazaqstandyq maqta qaýymdastyǵy maqta daiyndaýshylar jáne qaita óńdeýshilerdiń jinalysyn ótkizdi. Onda ónimderdi satyp alý baǵasy - 1 jáne 2-shi surypty maqtanyń 1 kelisi úshin keminde 130 teńge bolyp bekitildi.
