Almatyda taǵy eki adamnan koronavirýs tabyldy, dep habarlady densaýlyq saqtaý ministrligi. Shamamen bir saǵat buryn ministrlik Nur-Sultanda eki adamnan virýs tabylǵanyn habarlaǵan.
24 naýryz tańerteńgi derek boiynsha, Qazaqstanda koronavirýs juqqan naýqastar sany 66 adamǵa jetti. Almatyda - 28 adam, Nur-Sultanda - 34 adam, Qaraǵandyda - 2 adam, Almaty oblysynda - 1, Aqtóbe qalasynda 1 adam emdelip jatyr.
Aita keteiik, Elimizde koronavirýsqa qatysty 13 naýryz kúni tótenshe jaǵdai rejimi engizildi. Oǵan sáikes teatrlar, kinoteatrlar, saýda oiyn-saýyq ortalyqtarynyń jumysy toqtaǵan bolatyn.
Keshe, 23 naýryz kúni óńirlerde aýmaǵy 2 myń sharshy metrden kem emes iri saýda oiyn-saýyq ortalyqtary saǵat 10:00-den 18:00-ge deiin jumys isteýge ruqsat beriledi.
Olardyń ishindegi azyq-túlik dúkenderi men dárihanalar jumysyn ádettegi rejim boiynsha jalǵastyrady. Aýlalardaǵy dúkender de jumysyn toqtatpaidy.
Azyq-túlik emes bazarlar saǵat 11:00-den 17:00-ge deiin jumys isteidi. Sanitarlyq sharalar kúsheitiledi.
Ózgeris karantin jariialanǵan astana men Almaty qalalarynan basqa aýmaqta qoldanylady. Alaida ákim men bas sanitar dárigerdiń sheshimimen qosymsha shekteý engizilýi múmkin.
