Qaraǵandyda stýdentterge áleýmettik jeli arqyly joq páterlerdi jalǵa usynyp, aldyn ala tólem alǵan 31 jastaǵy áiel ustaldy, dep habarlaidy ult.kz.
Polisia.kz málimetinshe, kúdikti tamyz aiynda arzan baspana týraly jalǵan habarlandyrýlar jariialaǵan. Jarnamalardaǵy páter sýretteri internetten alynǵan. Arzan úi izdegen stýdentter aldyn ala aqsha aýdarǵannan keiin áiel bailanysyn úzgen.
Tergeý barysynda alaiaqtyqtyń 10 deregi anyqtalyp, jábirlenýshilerge kelgen shyǵyn 2,2 mln teńgeden asqany belgili boldy.
Politsiia kúdiktiniń basqa da osyndai qylmystarǵa qatysyn tekserip jatyr. Osyǵan bailanysty jábirlenýshiler sany artýy múmkin.
Kúdiktige qatysty sotqa deiingi tergeý bastaldy. Onyń kinásin sot anyqtaidy.
