QR investitsiialar jáne damý ministrligi "Catý kezinde qosymsha qun salyǵynan bosatylatyn kólik quraldary men aýyl sharýashylyǵy tehnikalarynyń tizimin bekitý týraly" buiryq daiyndap jatyr. Qujatqa aqpan aiynda qol qoiylyp, jariialanbaq, dep habarlaidy sputniknews.kz kolesa.kz portalyna silteme jasap.
Buiryqqa sáikes, qazaqstandyq kásiporyndardyń bólshekterinen jasalǵan jeńil avtokólikter, júk kólikteri, traktorlar men arnaiy tehnikalar qosymsha qun salyǵynan bosatylady. Iaǵni shetten ákelinetin bólshekterden kólik qurastyratyn jáne QR investitsiialar jáne damý ministrliginen qoldaý alǵan jergilikti zaýyttardyń ónimderine salyq salynbaidy. Sáikesinshe Qazaqstanda qurastyrylatyn kólikter 12 paiyzǵa arzandaýy múmkin.
Osy oraida "QQS joiylǵannan keiin avtosalondarda baǵa arzandaidy ma?" degen zańdy saýal týyndaidy. Kásipkerler ázirge tolyqqandy jaýap bere almai otyr (olardyń arasynan BIPEK AVTO ǵana jaýap berdi). Olardyń aitýynsha, bul máselege qatysty sońǵy sheshim áli qabyldanbaǵan, biraq qujat kúshine engennen keiin máseleniń túiini tarqatylmaq.
