Elordada balalarǵa arnalǵan kardiohirýrgiialyq ortalyq ashylady. Elbasy kitaphanasynda meditsina qyzmetkerlerimen kezdesken Vitse-Premer Eraly Toǵjanov osyndai málimet aitty, dep habarlaidy QazAqparat.
«Biz meditsina qyzmetkerlerin daiarlaýǵa granttar sanyn arttyrýdy kózdep otyrmyz. Osylaisha, pandemiiaǵa qaramastan, elde oń meditsinalyq-demografiialyq dinamika saqtalýda. 2020 jyldyń qorytyndysy boiynsha ana ólimi men qaterli aýrýlardan bolatyn ólim-jitim 3%-ǵa tómendedi. Árine, bul sandardyń artynda adam ómiri, meditsina qyzmetkerleriniń qajyrly eńbegi tur», - dedi Eraly Toǵjanov.
Onyń aitýynsha, búginde otandyq meditsina birneshe baǵyt boiynsha halyqaralyq deńgeide básekege qabiletti júie qalyptastyryp úlgergen.
«Elimizde joǵary tehnologiialy meditsinalyq kómektiń 78 túri halyqqa qoljetimdi. Biyl biz zamanaýi apparatty qoldana otyryp, ortalyq júike júiesi aýrýlaryn emdeýdiń radiohirýrgiialyq ádisin engizýdi josparlap otyrmyz. Biyl Nazarbayev University janynan Balalar kardiohirýrgiialyq ortalyǵyn ashý josparlanyp otyr» - dedi Premer-Ministrdiń orynbasary.
