Elimizde qansha Joǵary oqý oryny atom energiiasy salasyndaǵy mamandardy daiarlaidy? Parlament Senatynda depýtat Nurlan Qylyshbaevtyń bul suraǵyna Energetika ministri Nurlan Noǵaev jaýap berdi, dep habarlaidy "Ult aqparat".
«Atom salasynyń kadrlarmen qamtamasyz etilýi qandai jaǵdaida?» - dedi senator atom energiiasyn paidalaný máselesi jaily zań jobasy talqylanǵan otyrysta.
«Atom energiiasy salasyndaǵy mamandardy elimizde 5 joǵary oqý oryny daiarlaidy. Olar túlekterin atom energiiasyn paidalaný mekemelerine joldaidy. Ol JOO-lar elordadaǵy L.Gýmilev atyndaǵy EUÝ men Almatydaǵy ál-Farabi atyndaǵy QazUÝ, S. Amanjolov atyndaǵy ShQMÝ men Semei memlekettik ýniversiteti, Almaty energetika jáne bailanys ýniversiteti. Ál-Farabi atyndaǵy QazUÝ-da Reseidiń Dýbna qalasyndaǵy ýniversitetpen tájiribe almasyp keledi. Sonymen qatar AQSh, Japoniia energetika agenttikterinde mamandarymyzdyń biliktiligin arttyrý máselesi iske asady», - dedi Nurlan Noǵaev.
