Elimizde 1 myńnan astam eldi meken turǵyndary internetke qol jetkize almai otyr. Ulttyq kommýnikatsiialar jáne tsifrlandyrý qaýymdastyǵynyń vitse-prezidenti Janat Asantaeva osylai deidi, dep habarlaidy QazAqparat.
«Reitingterge qaramastan Qazaqstan halqy sapaly ári jyldamdyǵy joǵary internetke qol jetkizýde qiyndyqtarǵa tap bolyp otyr. Tipti kei jerlerde ony qoldaný múmkindigi de joq. Memlekettik organdardyń málimetine qaraǵanda 2020 jyly talshyqty-optikalyq bailanys pen internetke mobildy qoljetimdilikti qamtamasyz etetin jeli qurylysyn salý jobasy aiaqtalyp, 5 532 eldi meken qamtyldy. Halyqaralyq tájiribeni eskere otyryp, buǵan deiin qoldanysta bolǵan «Tsifrly Qazaqstan» memlekettik baǵdarlamasy aiasynda talshyqty-optikalyq bailanys jelisi eń iri eldi mekenderge jetkizildi. Eldi mekenderde avtonentterge deiin bailanys jetkizý mobildi tehnologiialar arqyly júzege asyrylady, - dedi ol telekommýnikatsiia naryǵyn demonopolizatsiialaý máselelerin talqylaýǵa arnalǵan Menmedia.kz kross-mediaplatformasy barysynda.
Onyń atap ótýinshe, árbir operator tehnikalyq múmkinshilikterge qarai mobildi tehnologiialardy ózderi tańdaidy.
«Ótken jyldyń qarasynda Májilis depýtattary biznestiń elektrondy esep berýge tolyq kóshýin kózdeitin jańa retteýshilik saiasatqa qatysty másele kóterdi. Biraq, 1 178 aýylda internettiń joq ekendigin anyqtalyp otyr. Munyń ústinde aýyl turmaq qalalardyń ózinde kei jerlerde bailanys álsiz. Adamdar kóp jinalatyn jerde de júktemeniń artýyna orai bailanys turaqty emes. Depýtattardyń paiymynsha, elektrondy esep berýdi mindetteitin norma qabyldanǵan jaǵdaida elimiz boiynsha myńdaǵan kásipker qiyndyqqa tap bolar edi», - dedi ol.
