ەلٸمٸزدە 1 مىڭنان استام ەلدٸ مەكەن تۇرعىندارى ينتەرنەتكە قول جەتكٸزە الماي وتىر. ۇلتتىق كوممۋنيكاتسييالار جەنە تسيفرلاندىرۋ قاۋىمداستىعىنىڭ ۆيتسە-پرەزيدەنتٸ جانات اسانتاەۆا وسىلاي دەيدٸ, دەپ حابارلايدى قازاقپارات.
«رەيتينگتەرگە قاراماستان قازاقستان حالقى ساپالى ەرٸ جىلدامدىعى جوعارى ينتەرنەتكە قول جەتكٸزۋدە قيىندىقتارعا تاپ بولىپ وتىر. تٸپتٸ كەي جەرلەردە ونى قولدانۋ مٷمكٸندٸگٸ دە جوق. مەملەكەتتٸك ورگانداردىڭ مەلٸمەتٸنە قاراعاندا 2020 جىلى تالشىقتى-وپتيكالىق بايلانىس پەن ينتەرنەتكە موبيلدى قولجەتٸمدٸلٸكتٸ قامتاماسىز ەتەتٸن جەلٸ قۇرىلىسىن سالۋ جوباسى اياقتالىپ, 5 532 ەلدٸ مەكەن قامتىلدى. حالىقارالىق تەجٸريبەنٸ ەسكەرە وتىرىپ, بۇعان دەيٸن قولدانىستا بولعان «تسيفرلى قازاقستان» مەملەكەتتٸك باعدارلاماسى اياسىندا تالشىقتى-وپتيكالىق بايلانىس جەلٸسٸ ەڭ ٸرٸ ەلدٸ مەكەندەرگە جەتكٸزٸلدٸ. ەلدٸ مەكەندەردە اۆتونەنتتەرگە دەيٸن بايلانىس جەتكٸزۋ موبيلدٸ تەحنولوگييالار ارقىلى جٷزەگە اسىرىلادى, - دەدٸ ول تەلەكوممۋنيكاتسييا نارىعىن دەمونوپوليزاتسييالاۋ مەسەلەلەرٸن تالقىلاۋعا ارنالعان Menmedia.kz كروسس-مەدياپلاتفورماسى بارىسىندا.
ونىڭ اتاپ ٶتۋٸنشە, ەربٸر وپەراتور تەحنيكالىق مٷمكٸنشٸلٸكتەرگە قاراي موبيلدٸ تەحنولوگييالاردى ٶزدەرٸ تاڭدايدى.
«ٶتكەن جىلدىڭ قاراسىندا مەجٸلٸس دەپۋتاتتارى بيزنەستٸڭ ەلەكتروندى ەسەپ بەرۋگە تولىق كٶشۋٸن كٶزدەيتٸن جاڭا رەتتەۋشٸلٸك ساياساتقا قاتىستى مەسەلە كٶتەردٸ. بٸراق, 1 178 اۋىلدا ينتەرنەتتٸڭ جوق ەكەندٸگٸن انىقتالىپ وتىر. مۇنىڭ ٷستٸندە اۋىل تۇرماق قالالاردىڭ ٶزٸندە كەي جەرلەردە بايلانىس ەلسٸز. ادامدار كٶپ جينالاتىن جەردە دە جٷكتەمەنٸڭ ارتۋىنا وراي بايلانىس تۇراقتى ەمەس. دەپۋتاتتاردىڭ پايىمىنشا, ەلەكتروندى ەسەپ بەرۋدٸ مٸندەتتەيتٸن نورما قابىلدانعان جاعدايدا ەلٸمٸز بويىنشا مىڭداعان كەسٸپكەر قيىندىققا تاپ بولار ەدٸ», - دەدٸ ول.
