Elimizde 1 080 shaǵyn jinaqtalǵan mektep shtattyq rejimde jumys isteidi. Bul týraly Ortalyq kommýnikatsiialar qyzmetinde ótken mektep oqýshylarynyń IV toqsanda qashyqtan oqý júiesine arnalǵan onlain konferentsiiada aityldy, dep habarlaidy "Ult aqparat".
«Oqýshylardy qashyqtan oqytýdyń tórtinshi tetigi – shtattyq rejimde oqý. Elimizde 1 080 shaǵyn jinaqtalǵan mektep bar. Olar shalǵaida ornalasqan, 80-100 aralyǵynda oqýshy oqityn mektepter. Ol jaqta koronavirýs qaýpi az, sondyqtan jergilikti atqarý organdarynyń sheshim qabyldaýymen osy mektepter shtattyq rejimde oqýyn jalǵastyrady. Dástúrli rejimde sabaq júrgiziledi desek te, aýyldyq jerdegi kóp mektep bir aýysymda oqidy. Olardy eki aýysymǵa kóshiremiz jáne karantindik rejimdi iske asyryp, bir kabinette ǵana sabaq júrgizilsin degen hattama bekitip berdik», - deidi QR Bilim jáne ǵylym ministri Ashat Aimaǵambetov.
