Qazaqstanda qaǵaz ónimderiniń shyǵarylymy qarqyndy túrde artyp keledi, dep habarlaidy "Ult aqparat" energyprom.kz saityna silteme jasap.
Qaǵaz ben qaǵaz ónimderiniń kólemi 2019 jyldyń qańtar-qyrkúiek ailarynda 47,6 mlrd teńgege jetip, byltyrǵy jyldyń uqsas kezeńimen salystyrǵanda 103,3 paiyzdyq kórsetkishti kórsetip otyr.
«Jalpy, 2017 jyly qaǵaz ben qaǵaz ónimderiniń óndiris kólemi 53,5 mlrd teńgeni kórsetse, byltyr 58,3 mlrd teńgege jetken. Qazaqstan boiynsha atalmysh ónimniń 27,8 paiyzdyq bóligi Almaty oblysyna (27,8 paiyz) tiesili. Qaǵaz ónimderiniń negizgi óndirýshileri – «Qazaqstan Qaǵazy» AQ pen «Qaǵaz Resaikling» JShS. Ekinshi orynda Almaty qalasy tur. 9 aidyń ishindegi jalpy ónimniń 12,7 mlrd teńgesi ońtústik astanada óndirilgen. Megapoliste «Karina Treiding» JShS, «Kompaniia V» JShS men «Almapack Co LTD» JShS sekildi kompaniialar jumys istep tur. Jyldyń úzdik ósimi Shymkent qalasynda tirkeldi («Aqjol-2008 Ltd» JShS men «Býmprom» JShS)», - delingen habarlamada.
Qaǵaz ben qaǵaz ónimderiniń ishinen kóbinese qoraptar, jáshikter men sómkeler shyǵarylady. 9 aidyń ishinde atalǵan ónimderden 68,3 myń tonna shyǵarylǵan. Qaǵaz ben karton shyǵarylymy ótken jyldyń uqsas kezeńimen salystyrǵanda 188,7 paiyzdyq ósimdi kórsetken.
