Mádeniet jáne sport ministrligi arxeologiialyq jáne ǵylymi-restavratsiialyq jumystardy jyl saiyn josparly túrde júrgizýdi usyndy, dep habarlaidy "Ult aqparat".
«Tarix jáne mádeniet eskertkishterine arxeologiialyq jáne ǵylymi-restavratsiialyq jumystardy retsiz júrgizý - aitarlyqtai mańyzdy másele. Búgingi tańda qoldanystaǵy zań osy baǵyttaǵy jumystardy júrgizý úshin litsenziianyń bolýyn ǵana talap etedi. Sondai-aq bul jumystar Mádeniet jáne sport ministrligi, Bilim jáne ǵylym ministrligi, jergilikti atqarýshy organdar tarapynan da qarjylandyrylady. Sonymen qatar, biýdjetten tys qarjy tartý arqyly da júrgizile beredi. Mundai kelispei júrgizilgen jumystar qazba jumystarynyń baqylaýsyz qalýyna jáne restavratsiialyq jumystardyń sapasyz oryndalýyna alyp keledi. Arheologiialyq jumystardy júrgizýshi uiymdar kóp jaǵdailarda qazǵan obektisin konservatsiialamai, territoriiadan topyraq úiindilerin shyǵarmai jatady. Bul óz kezeginde obektilerdiń tarixi-mádeni mańyzdylyǵynyń joiylýyna ákep soqtyrady», - dedi QR Mádeniet jáne sport ministriniń mindetin atqarýshy Nurqisa Dáýeshov senatorlardyń aldynda.
Joǵaryda baiandalǵan jáitterdiń negizinde ministrlik zań jobasy arqyly arxeologiialyq jáne ǵylymi-restavratsiialyq jumystardy jyl saiyn josparlap otyrýdy usyndy.
«Jospar ortalyq jáne jergilikti atqarýshy organdar men zańdy jáne jeke tulǵalardyń usynystary negizinde jasaqtalyp, ýákiletti organmen (MSM) bekitiledi. Sondai-aq kórsetilgen jumystardy júzege asyrý erejesin bekitý jóninde ýákiletti organnyń quzyrettiligi qarastyrylǵan. Atalǵan barlyq quqyqtyq sharalar arxeologiialyq jáne restavratsiialyq jumystardy retke keltirýge, júieleýge, eń bastysy qosarlap qarjylandyrýdy joiýǵa múmkindik beredi», - dedi ol.
Aita ketsek, Nurqisa Dáýeshov Senatta «Tarihi-mádeni mura obektilerin qorǵaý jáne paidalaný týraly» zań jobasy men «QR keibir zańnamalyq aktilerine tarihi-mádeni mura boiynsha ózgerister men tolyqtyrýlar engizý týraly» zań jobasyn qorǵaǵan bolatyn.
