Gaz salasyn damytýdyń 2030 jylǵa deiingi keshendi jospary ázirlenýde. Bul týraly Úkimet otyrysynda QR Energetika ministri Nurlan Noǵaev aitty, dep habarlaidy QazAqparat.
«Memleket basshysynyń gaz naryǵyn retteýdiń jańa tásilderin ázirleý, resýrstyq bazany ulǵaitý jóninde sharalar qabyldaý boiynsha tapsyrmasyn iske asyrý maqsatynda ministrlik halyqaralyq sarapshylardy tarta otyryp, Gaz salasyn damytýdyń 2030 jylǵa deiingi keshendi josparynyń jobasyn ázirleýde»,- dedi ol.
Ministrdiń aitýynsha, jospar gazdyń resýrstyq bazasyn keńeitý, tutynýshylardy úzdiksiz jáne qaýipsiz gazben jabdyqtaýdy qamtamasyz etý, gaz tasymaldaý júiesi nysandaryn jańǵyrtý jáne salý syndy baǵyttardan turady.
«Sonymen qatar «Samuryq-Qazyna» UÁQ» AQ-nyń jeke enshiles uiymy retinde Ulttyq operatordy bólý arqyly memleket basqarýyndaǵy gaz salasynyń basymdyǵyn arttyrý maqsatynda gaz salasyn basqarý reformasyn júzege asyrý da kózdeledi», - dedi Nurlan Noǵaev.
