Elimizde endi balalar men jasóspirimderge energetikalyq sýsyn satylmaidy. Senattyń jalpy otyrysynda Densaýlyq saqtaý ministrliginiń birinshi vitse-ministri Timýr Sultanǵaziev 21 jasqa tolmaǵandarǵa ziiandy ónimdi satpaý týraly shekteý engiziletinin aitty, dep habarlaidy "Ult aqparat" KTK arnasyna silteme jasap.
Mamandar quramynda taýrin, melatonin , karnitin siiaqty 10-15 túrli qospasy bar ónimdi tutyný júrek-qan tamyry, qant diabeti, búirek, júike tamyrlary aýrýyna alyp keletinin jetkizdi.
Depýtattar usynylǵan túzetýler biznesti belgili bir dárejede shektegenimen, sýsynnyń ziiany elge tiip jatqanyn jetkizdi. Sol sebepten energetikalyq sýsyn óndiretinderge salyq ta kóterilýi múmkin.
"Bul másele boiynsha jumys bastaldy. 21 jasqa deiingi jasóspirimder men balalarǵa energetikalyq sýsyn satýǵa tyiym salý boiynsha ARV daiyndalǵan. Ol úkimetaralyq komissiiada maquldanǵan. Qazir ishki ister ministrligimen kelisiledi. Basqa normalar boiynsha vendor apparattardy satý nemese jarnamany tyiýda ARV máselesi boiynsha jumys istelinip jatyr", – dedi QR Densaýlyq saqtaý birinshi vitse-ministri Timýr Sultanǵaziev.
