ەلٸمٸزدە ەندٸ بالالار مەن جاسٶسپٸرٸمدەرگە ەنەرگەتيكالىق سۋسىن ساتىلمايدى. سەناتتىڭ جالپى وتىرىسىندا دەنساۋلىق ساقتاۋ مينيسترلٸگٸنٸڭ بٸرٸنشٸ ۆيتسە-مينيسترٸ تيمۋر سۇلتانعازيەۆ 21 جاسقا تولماعاندارعا زيياندى ٶنٸمدٸ ساتپاۋ تۋرالى شەكتەۋ ەنگٸزٸلەتٸنٸن ايتتى, دەپ حابارلايدى "ۇلت اقپارات" كتك ارناسىنا سٸلتەمە جاساپ.
ماماندار قۇرامىندا تاۋرين, مەلاتونين , كارنيتين سيياقتى 10-15 تٷرلٸ قوسپاسى بار ٶنٸمدٸ تۇتىنۋ جٷرەك-قان تامىرى, قانت ديابەتٸ, بٷيرەك, جٷيكە تامىرلارى اۋرۋىنا الىپ كەلەتٸنٸن جەتكٸزدٸ.
دەپۋتاتتار ۇسىنىلعان تٷزەتۋلەر بيزنەستٸ بەلگٸلٸ بٸر دەرەجەدە شەكتەگەنٸمەن, سۋسىننىڭ زييانى ەلگە تيٸپ جاتقانىن جەتكٸزدٸ. سول سەبەپتەن ەنەرگەتيكالىق سۋسىن ٶندٸرەتٸندەرگە سالىق تا كٶتەرٸلۋٸ مٷمكٸن.
"بۇل مەسەلە بويىنشا جۇمىس باستالدى. 21 جاسقا دەيٸنگٸ جاسٶسپٸرٸمدەر مەن بالالارعا ەنەرگەتيكالىق سۋسىن ساتۋعا تىيىم سالۋ بويىنشا ارۆ دايىندالعان. ول ٷكٸمەتارالىق كوميسسييادا ماقۇلدانعان. قازٸر ٸشكٸ ٸستەر مينيسترلٸگٸمەن كەلٸسٸلەدٸ. باسقا نورمالار بويىنشا ۆەندور اپپاراتتاردى ساتۋ نەمەسە جارنامانى تىيۋدا ارۆ مەسەلەسٸ بويىنشا جۇمىس ٸستەلٸنٸپ جاتىر", – دەدٸ قر دەنساۋلىق ساقتاۋ بٸرٸنشٸ ۆيتسە-مينيسترٸ تيمۋر سۇلتانعازيەۆ.
