Qazaqstandyqtardyń jalaqylarynyń satyp alý qabileti úshinshi jyl qatarynan tómendep jatyr. 2017 jyldyń qorytyndysy boiynsha bul kórsetkish 2 paiyzǵa tómendegen. Bul týraly Energyprom.kz baqylaý agenttiginiń zertteýinde aitylady, - dep habarlaidy Tengrinews.kz tilshisi.
Zertteýdegi málimetterge qaraǵanda, byltyr sońǵy úsh aida qarjy, saqtandyrý, ǵylymi, tehnikalyq jáne IT salalardyń qyzmetkerleri ǵana joǵary jalaqy alyp otyrǵan.
Sondai-aq, sarapshylardyń málimetinshe, árbir jumys isteitin qazaqstandyqtyń ortasha jalaqysy byltyrǵy kórsetkish boiynsha orta eseppen - 163,7 myń teńge. Bul 2016 jylǵy kórsetkishpen salystyrǵanda 5,9 paiyzǵa artyq eken.
"Jalaqylary joǵary óńirlerdiń ishinde Qostanai men Aqtóbe oblystary bar - bir jylda 2,1 paiyzǵa - 138, 2 nemese 130 myń teńgege jetken. Al satyp alý qabilettigi tómendegen óńirlerge Mańǵystaý oblysyn jatqyzýǵa bolady. Onda birden 8 paiyzǵa tómendegen. Bul jalaqysy 1,5 paiyzǵa tómendegen jalǵyz óńir", - delingen mamandardyń zertteýinde.
