Elimizde koronavirýsqa qarsy ekpe salý pýnktteriniń sany artýda. Bul týraly búgin Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy QazAqparat.
«Qajettilikti eskere otyryp, ekpe salý pýnktteriniń sany únemi artyp kele jatqanyn atap ótkim keledi. Búginde óńirlerde immýndaý 1 051 ekpe salý pýnktinde júrgiziledi. Buǵan qosa, jekelegen aýdandarda, uiymdasqan ujymdarda, adamdar kóp jinalatyn jerlerde koronavirýsqa qarsy vaktsinatsiia júrgizý úshin 303 kóshpeli ekpe salý brigadasy jumyldyrylǵan», - dedi Aleksei Tsoi.
Onyń dereginshe, immýndaý naýqanyna 10 myńnan astam meditsnia qqyzmetkeri tartylǵan.
«Almaty, Nur-Sultan, Shymkent, Kókshetaý, Qostanai, Qaraǵandy qalalarynda ekpe salý pýnktteri saýda ortalyqtarynda, bazarlarda, uiymdastyrylǵan ujymdarda jasaqtalǵan. Onda demalys kúnderi vaktsinatsiialaýǵa qoljetimdi. Bul vaktsinanyń halyqqa qoljetimdiligin qamtamasyz etýge múmkindik beredi», - dedi ministr.
