ەلٸمٸزدە كوروناۆيرۋسقا قارسى ەكپە سالۋ پۋنكتتەرٸنٸڭ سانى ارتۋدا. بۇل تۋرالى بٷگٸن ٷكٸمەت وتىرىسىندا قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى قازاقپارات.
«قاجەتتٸلٸكتٸ ەسكەرە وتىرىپ, ەكپە سالۋ پۋنكتتەرٸنٸڭ سانى ٷنەمٸ ارتىپ كەلە جاتقانىن اتاپ ٶتكٸم كەلەدٸ. بٷگٸندە ٶڭٸرلەردە يممۋنداۋ 1 051 ەكپە سالۋ پۋنكتٸندە جٷرگٸزٸلەدٸ. بۇعان قوسا, جەكەلەگەن اۋدانداردا, ۇيىمداسقان ۇجىمداردا, ادامدار كٶپ جينالاتىن جەرلەردە كوروناۆيرۋسقا قارسى ۆاكتسيناتسييا جٷرگٸزۋ ٷشٸن 303 كٶشپەلٸ ەكپە سالۋ بريگاداسى جۇمىلدىرىلعان», - دەدٸ الەكسەي تسوي.
ونىڭ دەرەگٸنشە, يممۋنداۋ ناۋقانىنا 10 مىڭنان استام مەديتسنيا ققىزمەتكەرٸ تارتىلعان.
«الماتى, نۇر-سۇلتان, شىمكەنت, كٶكشەتاۋ, قوستاناي, قاراعاندى قالالارىندا ەكپە سالۋ پۋنكتتەرٸ ساۋدا ورتالىقتارىندا, بازارلاردا, ۇيىمداستىرىلعان ۇجىمداردا جاساقتالعان. وندا دەمالىس كٷندەرٸ ۆاكتسيناتسييالاۋعا قولجەتٸمدٸ. بۇل ۆاكتسينانىڭ حالىققا قولجەتٸمدٸلٸگٸن قامتاماسىز ەتۋگە مٷمكٸندٸك بەرەدٸ», - دەدٸ مينيستر.
