Qazaqstanda COVID-19 indetin juqtyrý kórsetkishi turaqtalyp keledi, dep habarlaidy QazAqparat.
Bul týraly QR DSM Taýarlar men qyzmetterdiń qaýipsizdigi men sapasyn baqylaý komitetiniń tóraǵasy Timýr Sultanǵaziev aityp berdi.
«Qazirgi ýaqytta elimizde COVID-19 indetin juqtyrýdyń 2791 jaǵdaiy tirkeldi. Onyń 70 paiyzy nemese 1957 adam - jaqyn bailanysta bolǵandar. Jergilikti jaǵdailar - 17 paiyz nemese 473 jaǵdai. Basqa memleketten kelgender - 11 paiyz nemese 302 jaǵdai», - dep atap ótti T. Sultanǵaziev facebook jelisinde ótken onlain brifingte.
Onyń aitýynsha, ótken táýlikte 116 jańa oqiǵa tirkelip, 4,5 paiyz ósim baiqalǵan.
«Ótken aptada indet ósimi 4,5-8 paiyz aralyǵynda bolǵan edi. Alaida keibir oblystar men aýmaqtarda bul ósim ótken aptada 50 paiyzdan joǵary bolǵan. Jalpy aitqanda, naýryz aiymen salystyrǵanda ósim kórsetkishteri birtindep turaqtalyp keledi dep aitýǵa bolady. Qazirgi ýaqytta 682 syrqat jazylyp, aýrýhanadan shyqty. Jalpy monitoringte jaqyn nemese yqtimal bailanysqandar retinde 47 myń 839 adam atalǵan edi. Onyń 98,5 paiyzy dárigerlermen habarlasyp, úi karantinine jatqyzyldy», - dedi spiker.
