قازاقستاندا COVID-19 ٸندەتٸن جۇقتىرۋ كٶرسەتكٸشٸ تۇراقتالىپ كەلەدٸ, دەپ حابارلايدى قازاقپارات.
بۇل تۋرالى قر دسم تاۋارلار مەن قىزمەتتەردٸڭ قاۋٸپسٸزدٸگٸ مەن ساپاسىن باقىلاۋ كوميتەتٸنٸڭ تٶراعاسى تيمۋر سۇلتانعازيەۆ ايتىپ بەردٸ.
«قازٸرگٸ ۋاقىتتا ەلٸمٸزدە COVID-19 ٸندەتٸن جۇقتىرۋدىڭ 2791 جاعدايى تٸركەلدٸ. ونىڭ 70 پايىزى نەمەسە 1957 ادام - جاقىن بايلانىستا بولعاندار. جەرگٸلٸكتٸ جاعدايلار - 17 پايىز نەمەسە 473 جاعداي. باسقا مەملەكەتتەن كەلگەندەر - 11 پايىز نەمەسە 302 جاعداي», - دەپ اتاپ ٶتتٸ ت. سۇلتانعازيەۆ facebook جەلٸسٸندە ٶتكەن ونلاين بريفينگتە.
ونىڭ ايتۋىنشا, ٶتكەن تەۋلٸكتە 116 جاڭا وقيعا تٸركەلٸپ, 4,5 پايىز ٶسٸم بايقالعان.
«ٶتكەن اپتادا ٸندەت ٶسٸمٸ 4,5-8 پايىز ارالىعىندا بولعان ەدٸ. الايدا كەيبٸر وبلىستار مەن اۋماقتاردا بۇل ٶسٸم ٶتكەن اپتادا 50 پايىزدان جوعارى بولعان. جالپى ايتقاندا, ناۋرىز ايىمەن سالىستىرعاندا ٶسٸم كٶرسەتكٸشتەرٸ بٸرتٸندەپ تۇراقتالىپ كەلەدٸ دەپ ايتۋعا بولادى. قازٸرگٸ ۋاقىتتا 682 سىرقات جازىلىپ, اۋرۋحانادان شىقتى. جالپى مونيتورينگتە جاقىن نەمەسە ىقتيمال بايلانىسقاندار رەتٸندە 47 مىڭ 839 ادام اتالعان ەدٸ. ونىڭ 98,5 پايىزى دەرٸگەرلەرمەن حابارلاسىپ, ٷي كارانتينٸنە جاتقىزىلدى», - دەدٸ سپيكەر.
