Qolaisyz epidemiologiialyq jaǵdaidyń jalǵasýyna jáne engizilgen karantinge, sondai-aq jolaýshy poiyzdaryndaǵy jolaýshylar aǵyny men tolý deńgeiiniń tómendeýine bailanysty «Jolaýshylar tasymaly» aktsionerlik qoǵamy poiyz qozǵalysynyń kestesine ózgerister engizdi. Bul jóninde kompaniianyń baspasóz qyzmeti habarlady.
Myna jolaýshy poiyzdarynyń qozǵalysy ýaqytsha toqtaidy:
- 9 tamyzdan bastap Nur-Sultannan jáne 10 tamyzdan bastap Dostyqtan jóneltiletin №258/257 «Nur-Sultan-1-Dostyq» poiyzy;
- 12 tamyzdan bastap Almatydan jáne 13 tamyzdan bastap Shymkenttenjóneltiletin №25/26 «Almaty-2 – Shymkent» poiyzy;
- 11 tamyzdan bastap Nur-Sultan - Nurly joldan jáne 12 tamyzdan Almatydan jóneltiletin №4/3 «Nur-Sultan – Nurly jol – Almaty-2» poiyzy.
Bul rette atalmysh poiyz reisteri kelesi kúnder boiynsha toqtatylady: Nur-Sultan-Nurly joldan 4, 6, 8 jáne 10 tamyz kúnderi, Almaty-2 den 5, 7, 9 jáne 11 tamyz kúnderi.
Myna jolaýshy poiyzdarynyń júrý jiiligi ýaqytsha qysqartylady:
1) №1/2 «Almaty-2 – Shymkent» baǵytyndaǵy poiyz aptasyna 3 retten 1 retke deiin, jóneltilýi Almatydan 12 tamyzdan bastap (sársenbi kúnderi saqtalady), Shymkentten 13 tamyzdan bastap (beisenbi kúnderi saqtalady);
2) №10/9 «Nur-Sultan-Nurly jol – Almaty-1» baǵytyndaǵy poiyz kún saiynǵy kesteden kúnara, jóneltilýi Nur-Sultan-Nurly joldan 10 tamyzdan bastap (jup kúnderi saqtalady), Almatydan 11 tamyzdan bastap (taq kúnderi saqtalady);
3) №11/12 «Almaty-2 – Shymkent» baǵytyndaǵy poiyz aptasyna 4 retten 2 retke deiin, jóneltilýi Almatydan 14 tamyzdan bastap (juma jáne jeksenbi kúnderi saqtalady), Shymkentten 15 tamyzdan bastap (senbi jáne dúisenbi kúnderi saqtalady). Bul rette atalmysh poiyzdyń 13 tamyzda Almatydan jóneltilýi toqtatyldy;
4) № 603/604 «Nur-Sultan-Nurly jol – Arqalyq» baǵytyndaǵy poiyz kún saiynǵy kesteden 4 kúnde 1 ret, jóneltilýi 11 tamyzdan bastap Nur-Sultan-Nurly joldan (taq kúnderi saqtalady), Arqalyqtan 12 tamyzdan bastap (jup kúnderi saqtalady);
5) № 67/68 «Nur-Sultan-Nurly Jol – Óskemen-1» baǵytyndaǵy poiyz kún saiynǵy kesteden 4 kúnde 1 ret, jóneltilýi Nur-Sultan-Nurly joldan 12 tamyzdan bastap, Óskemennen 13 tamyzdan bastap. Bul rette atalmysh poiyz 3, 5, 7, 9, jáne 11 tamyz kúnderi Nur-Sultan-Nurly joldan jóneltilýi toqtatylady;
6) № 31/32 «Almaty-2 – Pavlodar» baǵytyndaǵy poiyz kún saiynǵy kesteden bir kún saiyn, jóneltilýi 4 tamyzdan bastap Almatydan (jup kúnder boiynsha saqtalady), 5 tamyzdan bastap Pavlodardan (taq kúnder boiynsha saqtalady). Bul rette atalmysh poiyz Almatydan 3 tamyzda jóneltilýi toqtatylady.
Atalǵan poiyzdarǵa bilet alǵan jolaýshylar jol júrý qujatyn qaitaryp, bilet qunyn tolyq kólemde ala alady nemese basqa poiyzdarǵa bilet satyp alýyna bolady.
Jolaýshylar poiyzdarynyń qozǵalys kestesi boiynsha barlyq aqparatty «105» nómiri boiynsha bilýge bolady.
